1. ISebe leMfundo kuzwelonke (DoE) lisamkele isindululo esiphakanyiswe yi-HEDCOM nge-6 Juni 2007 sokuba kunikwe inkxaso abafundi abasisigxina abangaziphumelelanga iiMviwo zeMatriki ngo-2007 xa belungiselela iimviwo zabo zeMatriki ngo-Meyi/Juni 2008.
2. Ubhaliso
2.1 Abaviwa abanqwenela ukufumana e nkxaso kubaya kufuneka babhalise nge-26 Januwari 2008 kwindawo ekufuphi kubo. (Funda IsiHlomelo A)
2.2 Abaviwa baya kubanako ukubhalisela izifundo ezi-3 ezona zininzi.
2.3 Abaviwa baya kufumana yonke ingcaciso eyimfuneko malunga neendawo kanye zokuqhubela ubhaliso, neenkqubo zobhaliso neemali ezihlawulelwa ukufundiswa (tuition) ikhutshwe neziphumo zabo ekupheleni konyaka.
3. Ukuma kweprogram
3.1 Kuya kufundiswa izifundo eziyi-16 kwiindawo eziyi-30 kwiphondo ngokubanzi.
3.2 Ubhaliso luya kuqhubeka kwiindawo ezikhethiweyo nge-26 Januwari 2008.
3.3 Iiseshoni ekuya kufundiswa ngazo eziyi-15, inye iyiyure enehafu, ziya kuqhutywa ngeMigqibelo, ukuqalela nge-02 Februwari 2008.
3.4 Abahlohli (tutors) abaza kufundisa abanamava baya kukhethwa ngaBacwangcisi beKharityhulam abaKhulu ngokusebenzisana naBacebisi beKharityhulam, kwezo zicelo zifunyenweyo.
3.5 Izikhokelo zezifundo (study guides) ziza kubonelwa ngabasebenzi bakwakharityhulam kwaNdlunkulu weSebe iWCED.
3.6 Iincwadi zezifundo (textbooks) zeBakala 12 ukulungiselela izifundo ezahlukileyo, ziya kuthathwa ezikolweni.
4. Abahlohli (tutors)
4.1 Ootitshala abanamava ekufundiseni iBakala 12 nokumakisha iincwadi zeempendulo zeMatriki bayacelwa ukuba bafake izicelo njengabahlohli ngokuzalisa le fom yokwenza isicelo iqhotyoshelweyo. (Jonga isiHlomelo B)
4.2 Ifom yokwenza izicelo mayisayinwe ngutitshala nenqununu.
4.3 Abahlohli baya kuhlawulwa ngokomlinganiselo wentlawulo yeyure ngokoxwebhu lwePAM.
4.4 Ifom yokwenza isicelo ezaliswe ngokupheleleyo mayithunyelwe ngeposi apha:
          Head : Education  
          Western Cape Education Department  
          For Attention: Mr CR Smith (Room 829)
          Private Bag X9114
          CAPE TOWN
          8000
4.5 Umhla wokuvala kokwamkelwa kwezicelo yi-15 Novemba 2007.
5. Ziyacelwa iinqununu ukuba zazise okukule ngcaciso imfutshane bonke ootitshala beBakala 12 nabafundi.


ISAYINWE: NGU-P SATYO
INTLOKO: YESEBE LEMFUNDO
UMHLA: 2007:10:26

IsiHlomelo A (Closest venues)  (ubukhulu: 18 KB)
IsiHlomelo B (Application form for tutors)  (ubukhulu: 13 KB)