| 1. |
ISebe leMfundo leNtshona Koloni (WCED) ngokubambisana neKomiti yeeLwimi yaseNtshona Koloni ne-Centre for the Book, linqwenela ukukhuthaza isakhono sokubhala kubafundi. Ngenxa yoku, ootitshala beeLwimi bamaBakala 6 ukuya ku-9 bayamenywa ukuba bathathe inxaxheba kooMasifundisane beCreative Writing abaya kuba ngesiAfrikansi, ngesiNgesi nangesiXhosa. Oku kukuqinisekisa imbalelwano eyathunyelwa ngefeksi ezikolweni ngoJulayi 2007 yi-Centre for the Book.
|
| 2. |
Injongo yalo masifundisane wesakhono sokubhala kukunika ootitshala izakhono ezahlukeneyo zobuchule bokubhala eziya kuthi kamva, zincede ekuphuculeni izakhono zokubhala nezokucinga zabafundi.
|
| 3. |
Kuya kubakho oomasifundisane abahlukeneyo abathathu, kwaye umasifundisane ngamnye uya kulungiselela amaqela amathathu eelwimi. Iqela lokuqala liya kuba kwiholo ye-EMDC yaseWorcester- nge-13 Oktobha 2007. Abanye oomasifundisane ababini baya kubanjelwa e-Centre for the Book e-65 Queen Victoria Street, eKapa ngoMgqibelo we-20 Oktobha nangoMgqibelo we-27 Oktobha 2007. Bobathathu aba masifundisane, baya kuqala ngo-9:30 baze baphele ngo-16:00. Kuya kubonelelwa ngeziphungo nesidlo esilula.
|
| 4. |
Okuqulethwe ngumasifundisane
|
| 4.1 |
Iprogram yosuku ngalunye kwezi zintathu, iya kuqala ngeseshoni yawo onke amalungu (plenary session) ngo-09:30 phambi kokuqala koomasifundisane abangabodwa bolwimi ngalunye, nabaya kuqala ngo-10:00 baze baphele ngo-16:00.
|
| 4.2 |
Ootitshala baya kuqaliswa kwi-character, free-writing kunye nefirst things exercises; kwaye baya kuba bebhala ngeziqu zabo.
|
| 4.3 |
Kuya kufikelelwa kwiintlobo ngeentlobo zobhalo (writing genres), ezifana neprowuzi, izikripthi nemihobe.
|
| 5. |
Ootitshala beelwimi abanomdla wokuya kumasifundisane ngamnye kwaba, kwimihla echazwe apha ngentla mabazalise isiHlomelo A esiqhotyoshelweyo, baze basifeksele kuMnu M Espin kule nombolo yefeksi 021 424 1484 okanye kule dilesi ye-imeyili mark.espin@nlsa.ac.za engadlulanga uLwesihlanu we-21 Septemba 2007.
|
| 6.1 |
Ootitshala abavela kwisikolo esinye okanye kwindawo enye, bayacelwa ukuba bakhwelisane ukuya kwindawo ekuqhutyelwa kuyo umasifundisane njengoko iSebe iWCED lingenako ukuhlawulela izithuthi eziliqela zootitshala abavela esikolweni esinye.
|
| 6.2 |
Ootitshala abenza amabango okuba besebenzise izithuthi zabo mabaze noku kulandelayo kumasifundisane:
- Inombolo yePesali
- Iinkcukacha zobhaliso lwesithuthi esisetyenzisiweyo
- Iikhilomitha ezihanjiweyo eziboniswa sisithuthi
Ootitshala abasebenzisa izithuthi zikawonke-wonke (iinkonzo zebhasi neeteksi), mabaqhoboshele iirisithi kumabango abo. Apho ootitshala bahamba kunye nabafundi ngeemini-bhasi, amabango makahanjiswe kunye neerisithi ezikhutshiweyo okanye neleta evela kwinqununu yesikolo echaza iindleko ekungenwe kuzo. Ootitshala mabangenise amabango angqiniweyo (verified claims) ekupheleni kukamasifundisane.
|
| 7. |
ISebe iWCED linethemba lokuba aba masifundisane baya kuba ngamava abaya kuzuza lukhulu kuwo nabaya kuwonwabela abo baya kubakho.
|
ISAYINWE: NGU-M. CAMERON
INTLOKO: YESEBE LEMFUNDO
UMHLA: 2007:09:05
|