| 1. |
Le thayimthebhile iqhotyoshelweyo yeemviwo zeNqanaba 4 le-ABET zika-Oktobha 2007 ifikile ivela kwiSebe leMfundo likazwelonke. Iimviwo ziya kuqala nge-10 Oktobha 2007 ziphele nge-30 Oktobha 2007. Inkalo yesifundo nganye iya kubhalwa ukususela ngo-14:00 ukuya kwi-17:00 kwiintsuku ezibonisiweyo. Njengoko ezi mviwo ziyinkqubo kazwelonke, imihla namaxesha asebenza kwilizwe lonke yaye akuyi kubakho kunxaxha kwithayimthebhile kunokuvunyelwa.
|
| 2. |
Njengoko bekunjalo kwixesha elidlulileyo, amagosa e-EMDC nakaNdlunkulu nabameli baka-Umalusi baya kuyibeka esweni inkqubo yeemviwo.
|
| 3. |
Ukuba kufuneka uvavanyo luqhutyelwe ngaphakathi kwamasango ezikolo eziqhelekileyo, umphathi weziko makenze amalungiselelo kwangaphambili okusetyenziswa kwegumbi elinqatyisiweyo, isakhiwo sezolawulo, iiklasi, izindlu zangasese (ablution facilities), njl. njl.
|
| 4. |
Amaziko makaqinisekise ukuba abagadi babaviwa abaziintloko babo nabagadi babaviwa baqeqeshwe kakuhle kwaye bayakwazi ukusingatha ngempumelelo ukubhalwa kweemviwo.
|
| 5. |
Ukuze ibe nokusingathwa kakuhle imiba yezolawulo, abaphathi bamaziko mababe kumaziko okubhalela iimviwo phambi kokuqala kunye nasekupheleni kweseshoni yoviwo ngalunye.
|
| 6. |
Akukho mntu uvumelekileyo kwindawo yokubhalela uviwo ngaphandle kokuba uveze ikhadi lokuzazisa eligunyazisiweyo.
|
| 7. |
Abaphathi bamaziko bayacelwa kwakhona ukuba
|
| 7.1 |
banike bonke ootitshala nabaviwa babo ithayimthebhile yeemviwo ngokukhawuleza ukwenzela ukuba bakwazi ukwenza amalungiselelo abo okugqibela eemviwo;
|
| 7.2 |
bakhumbuze bonke abaviwa babo ukuba kufuneka baveze izazisi zabo neeleta zokuvunyelwa ukuba babhale uviwo phambi kokuqaliswa koviwo ngalunye; baze
|
| 7.3 |
banqwenelele bonke abaviwa babo impumelelo kwiimviwo zabo egameni leSebe leMfundo leNtshona Koloni.
|
ISAYINWE: NGU-M. CAMERON
INTLOKO: YESEBE LEMFUNDO
UMHLA: 2007:08:22
|