| 1. |
Uqeqesho lootitshala be-Computer Applications Technology (CAT) ne-Information Technology (IT) kumaBakala 10 - 12 luya kwenziwa yiCape Peninsula University of Technology (CPUT), Bellville Campus, njengomboneleli-nkonzo oqeshiweyo (outsourced service provider) liSebe leMfundo likazwelonke. Uqeqesho olo luya kubandakanya iiseshoni zokusebenzisa kanye iinkqubo zekhompyutha (applications).
|
| 2. |
Iiprogram zoqeqesho zephondo ze-CAT ne-IT
|
| 2.1 |
Olu qeqesho luvuleleke kootitshala abafundisa i-CAT ne-IT.
|
| 2.2 |
Iprogram yoqeqesho yesifundo ngasinye, njengoko iqulunqwe ngumboneleli-nkonzo, ithatha ithuba leentsuku ezisixhenxe ezenza iiyure ezingama-64 zizonke.
|
| 2.3 |
Kucelwa ufunde isiHlomelo A ukujonga amaxesha ekhosi emini nganye, uvavanyo namanqanaba oqeqesho.
|
| 3. |
Abathathi-nxaxheba kwikhosi ye-CAT
|
| 3.1 |
Kukho izinto ezilindelekileyo ekufuneka umntu abe uyazazi kwinqanaba ngalinye. (Funda isiHlomelo A ukujonga uluhlu lwezakhono eziyimfuneko nolwazi olufunekayo lweekhosi ezahlukeneyo.)
|
| 3.2 |
INqanaba 3 le-CAT liya kwenziwa ukususela ngeCawa, nge-23 Septemba ukuya kutsho ngoMgqibelo we-29 Septemba 2007. (AmaNqanaba 1 no-2 e-CAT enziwa ngoJuni 2006.)
|
| 3.3 |
Ootitshala abagqibezela amaNqanaba 2 no-3 baya kuxolelwa ekwenzeni iikhosi ezinxulumene ne-CAT ukuba babhalisela ikhosi ye-ACE eTshwane University of Technology. Kuya kufuneka benze kuphela iikhosi ezinxulumene nemfundo ukuze bafaneleke ukwenza i-Advanced Certificate in Education (ACE) kwi-CAT. Ezi khosi zibhaliswe kwiNqanaba 5 le-NQF nofumana ngazo iikhredithi eziyi-24.
|
| 4. |
Abathathi-nxaxheba kwikhosi ye-IT
|
| 4.1 |
Kukho izinto ezilindelekileyo ekufuneka umntu abe uyazazi kwinqanaba ngalinye. (Funda isiHlomelo A ukujonga uluhlu lwezakhono eziyimfuneko nolwazi olufunekayo lweekhosi ezahlukeneyo.)
|
| 4.2 |
INqanaba 2 le-IT liya kwenziwa ukususela ngeCawa, nge-23 Septemba ukuya kutsho ngoMgqibelo we-29 Septemba 2007. (INqanaba 1 le-IT lenziwa ngoJuni 2006.)
|
| 5. |
Ingcaciso efunwayo kootitshala (Funda isiHlomelo B - Ifom yobhaliso)
- Ifani
- Igama - onke amagama avelayo ngokwakwi-ID
- Isazisi
- Inombolo yePesali
- Idilesi ye-imeyili
- Iinombolo zoqhagamshelwano (yomsebenzi, eyasekhaya neselula)
- Iinkcukacha zesikolo
|
| 6. |
Ootitshala kufuneka beze nezi zinto zilandelayo ekhosini
- Izinto zokubhala: ipeni, nephedi yeemviwo yokuthatha iinowutsi
- Ikopi ye-ID
- INkcazo yeziFundo zeKharityhulam kaZwelonke
- IziKhokelo zeeProgram zeziFundo
- IZikhokelo zeeMvavanyo zeziFundo
La maxwebhu angakotshwa ngekhompyutha kweli ziko lewebhu http://curriculum.pgwc.gov.za/site/119/page/view/
|
| 7.1 |
Kuya kufuneka ootitshala babhalise kubacebisi ngezekharityhulam kwi-EMDC efanelekileyo. (Funda iinkcukacha ezingasezantsi.) Le fom yobhaliso iqhotyoshelweyo, isiHlomelo B, mayizaliswe ize ifekselwe kumcebisi ngezekharityhulam ochaphazelekayo phambi kwe-31 Agasti 2007.
| Igama | Isithili se-EMDC | Idilesi ye-imeyili | Inombolo yefeksi |
| Frans Kersop | Breede River & Overberg
South Cape & Karoo
West Coast & Winelands | fkersop@pgwc.gov.za | 023 342 6515 |
| Patrick Frans | Metropoles North and Central | pfrans@pgwc.gov.za | 021 938 3183 |
| Chantal Lewis | Metropoles East and South | chlewis@pgwc.gov.za | 021 903 2149 |
|
| 7.2 |
Le nkqubo iya kulawulwa liCandelo loPhuhliso lweKharityhulam kwaNdlunkulu.
|
| 7.3 |
Bonke ootitshala baya kwaziswa ngabacebisi ngezekharityhulam abakhankanywe apha ngasentla malunga nokuba ngaba izicelo zabo zobhaliso ziye zaphumelela na.
|
| 7.4 |
Kuphela ngootitshala abakhutshelwe ileta eqinisekisa ubhaliso lwabo abanokuya kwindawo yoqeqesho ngeCawa ye-23 Septemba 2007.
|
| 8. |
Iindleko ekungenwe kuzo ngootitshala
|
| 8.1 |
Ootitshala baya kubuyiselwa ngeendleko zohambo. Kungoko kuyimfuneko ukuba utitshala ngamnye aze nezi zinto zilandelayo kumasifundisane:
|
| 8.1.1 |
Inombolo yePesali yakhe
|
| 8.1.2 |
Iinkcukacha zobhaliso lwesithuthi asisebenzisayo ukuhamba
|
| 8.1.3 |
Iinkcukacha ze-akhawunti yebhanki
|
| 8.2 |
Ootitshala mabangenise izicelo zamabango abo kubaphathi bendawo yokuqhubela ikhosi e-CPUT.
|
| 8.3 |
Ootitshala abasebenzisa izithuthi zikawonke wonke (iinkonzo zebhasi noololiwe) mabaqhoboshele iirisithi ezisemthethweni kwizicelo zamabango abo. Apho ootitshala basebenzise iimini-bhasi, izicelo zamabango mazihambe kunye neerisithi ezikhutshiweyo okanye ileta esuka kwinqununu echaza ngeendleko ekungenwe kuzo. Utitshala ngamnye makafake isicelo sebango esizimeleyo esingqiniweyo (separate verified claim).
|
| 8.4 |
Akukho titshala uya kubuyiselwa iindleko zohambo lokuya kwindawo yoqeqesho ukuba usuka kwindawo ebechithele kuyo iholide yakhe.
|
| 8.5 |
Ootitshala abangayisebenzisiyo indawo yokuhlala yasehostele ekubonelelwe ngayo ABAYI kubuyiselwa ngazo naziphi na iindleko zokuhlala abangene kuzo.
|
| 9. |
Ootitshala abangabhalisanga, baya kuthi, ngenxa yezizathu zokuba kufuneka kwenziwe amalungiselelo, bangavunyelwa baye kuqeqesho.
|
| 10. |
Ziyacelwa iinqununu ukuba ziwubambe umhla wokungenisa amaxwebhu oyi-31 Agasti 2007, ziqiniseke ukuba ootitshala bayazilandela ngqo iimfuno zobhaliso zize zazise okubhalwe kule ngcaciso emfutshane yeCandelo leKharityhulam bonke ootitshala beBakala 10 - 12 be-CAT ne-IT.
|
ISAYINWE: NGU-M. CAMERON
INTLOKO: YESEBE LEMFUNDO
UMHLA: 2007:07:30
|