1. |
NgokweNgcaciso eMfutshane yeCandelo loPhuhliso lweKharityhulam (Isetyhula 0015/2007), kulindeleke ukuba umfundi ngamnye ukususela kwiBakala 1 ukuya kwiBakala 12, abe nencwadi yesifundo enye kwinkalo nganye yesifundo okanye kwisifundo ngasinye ubuncinane, ukususela ku-2008. Apho oku kungenjalo, ziyacelwa izikolo ukuba zicwangcise ngokungqinelana noku.
|
2. |
ISebe leMfundo leNtshona Koloni (WCED) liyayiqonda into yokuba izibonelelo ezilolu hlobo zinqongophele kwezinye izikolo.
|
3. |
Ngako oko ke iSebe iWCED liyazibophelela kule projekthi INKXASO GRADES 4 - 7 PROJECT ukongeza kwiincwadi zezifundo kwizikolo zaseprayimari kumanqanaba entlupheko kazwelonke amane angawona asezantsi. Izikolo kula manqanaba entlupheko ziya kufumana kungekudala, ileta ebonisa isixa-mali esabelwe isikolo neziya kusifumana ngomfundi ngamnye weBakala 4 - 7 ukwenzela ukuthenga ezi ncwadi zezifundo. Esi sixa-mali sisabelo esongezelelweyo kwisabelo-mali sezikolo ngokwemimiselo nemigangatho yolwabiwo-mali. Esi sabelo-mali sifanele ukuba senze isikolo sibe nako uku-odola iincwadi zezifundo ezimbini ngomfundi ngamnye.
|
4. |
Kwenziwa amalungiselelo omboniso weencwadi kwi-EMDC nganye kwasekuqaleni kwikota yesithathu, ukunika iinqununu nootitshala ithuba lokuphonononga iincwadi zezifundo ezifumanekayo nokufumana inkxaso ekukhetheni iincwadi ezifanelekileyo.
|
5. |
Ziyacelwa iinqununu ukuba ziqhube uphando lokujongisisa iimfuno zezibonelelo zeencwadi zazo kula mabakala yaye zijongisise iinkalo zezifundo apho izibonelelo zeencwadi zezifundo zinqongopheleyo, ukwenzela ukuba imali isetyenziswe ngokungqinelana noko.
|
ISAYINWE: NGU-M. CAMERON
INTLOKO: YESEBE LEMFUNDO
UMHLA: 2007:06:27
|