1. |
INgcaciso eMfutshane 0026/2007 yazisa izikolo zeSebe leMfundo leNtshona Koloni (WCED) ngeprojekthi eyodwa yokubonelela umfundi ngamnye ngencwadi enye kwisifundo ngasinye kwiBakala 12 ngenjongo yokunika inkxaso ukuphunyezwa kweNCS kwiBakala 12 ngo-2008.
|
2. |
Ukuncedisa iinqununu nootitshala ukuba bakhethe ezi ncwadi zezifundo benolwazi, iSebe (WCED) liya kubamba umboniso weencwadi ongumahamba-nendlwana weeveki ezimbini (travelling book-fair) ukususela nge-28 Meyi ukuya kwi-7 Juni 2007. Kuya kubakho iziphungo.
|
3. |
Kulo mboniso weencwadi, amagosa ekharityhulam eWCED, kwinkalo yesifundo nganye, aya kuqhuba iiseshoni zengcaciso zeyure enesiqingatha malunga nokukhetha iincwadi zezifundo ngendlela eyiyo. Abacebisi ngezekharityhulam nabacwangcisi bekharityhulam baya kubakho ukuze bancedise iinqununu nootitshala ekukhetheni iincwadi zezifundo. Ootitshala abeze kwezi seshoni zengcaciso baya kufumana isipho.
|
4. |
Iindleko zehambo ezithe zenziwa ngootitshala abaqeshwe liSebe iWCED abeze kulo mboniso, ziya kubuyiswa ngeereyithi zikarhulumente eziqhelekileyo. Ootitshala abavela esikolweni esinye bayacelwa ukuba bakhwelisane (babe bathathu emotweni ukuba oko kunokwenzeka). Amabango makangeniswe kumphathi wendawo yokwenzela umboniso weWCED ngosuku lomboniso weencwadi. Bayacelwa ke ngoko ootitshala ukuba beze zabo kumboniso weencwadi neenombolo zabo zePesali nezi nkcukacha zezithuthi zilandelayo: uhlobo lwemoto, unyaka wokwenziwa kwayo, umthamo we-injini namanani e-odomitha (odometer reading).
Ootitshala abahamba ngeteksi okanye ngesithuthi sikawonke-wonke mabangenise i-afidavithi ebubungqina obufungelweyo esayinwe yinqununu echaza igama nePesali katitshala, iindleko zohambo (ezibandakanya ukuya nokubuya) kwakunye nenjongo yohambo (o.k.t. ukuya kumboniso weencwadi weWCED).
|
5. |
Ezi theyibhile zilandelayo zinika indawo, imihla, amaxesha omboniso weencwadi kwisithili se-EMDC ngasinye:
I-EMDC | Umhla | Amaxesha oMboniso | Indawo |
South Cape / Karoo | Umvulo, 28/05 | 13: 00 - 18:00 | Beaufort West Sec. School, Beaufort West |
South Cape / Karoo | Ulwesibini, 29/05 | 13: 00 - 18:00 | Outeniqua H.S., George |
Breede River / Overberg | Ulwesithathu, 30/05 | 13: 00 - 18:00 | EMDC's cafeteria, Worcester |
West Coast / Winelands | Ulwesine, 31/05 | 13: 00 - 18:00 | Piketberg HS, Piketberg |
West Coast / Winelands | Ulwesihlanu, 1/06 | 13: 00 - 18:00 | New Orleans Sec. School, Paarl |
North | Umvulo, 4/06 | 13: 00 - 18:00 | EMDC hall, Timmerman St, Parow |
East | Ulwesibini, 5/06 | 13: 00 - 18:00 | De Kuilen Primary School, Kuils River |
South | Ulwesithathu, 6/06 | 13: 00 - 18:00 | Ottery Youth Care Centre, Plantation Road, Ottery |
Central | Ulwesine, 7/06 | 13: 00 - 18:00 | Cape Town Teachers' Centre, Molteno Road, Claremont |
|
6. |
Isicwangciso seeseshoni zengcaciso kumboniso weencwadi ngamnye:
Ixesha | Igumbi 1 | Igumbi 2 | Igumbi 3 | Igumbi 4 | Igumbi 5 |
14:30 - 15:00 | Mathematical Literacy & Mathematics | English (HL & FAL) | Afrikaans (HL, FAL & SAL) | African Languages (HL & FAL) | Consumer Studies |
15:00 - 15:30 | Engineering Graphics & Design | Life Orientation | History | Life Sciences | Tourism |
15:30 - 16:00 | Physical Sciences | Hospitality Studies | Geography | Accounting | Dance Studies, Dramatic Arts & Music |
16:00 - 16:30 | Agricultural Sciences | Computer Technology Information Technology | Mechanical Technology | Economics and Business Studies | Religion Studies |
|
7. |
Iincwadi zezifundo zidlala indima ebalulekileyo ekuqinisekiseni ukufunda nokufundisa okusemgangathweni. Ukuze kuqinisekiswe ukuba kukhethwa iincwadi ezifanelekileyo nokuba inkxaso-mali isetyenziswa ngobulumko, ziyakhuthazwa ngamandla iinqununu nootitshala ukuba zize kumboniso okweyona ndawo ikufutshane nezikolo zabo. Iya kuthakazelelwa inkxaso yeenqununu.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2007:05:17
|