1. Njengenxalenye yesiCwangciso seMathematika, iSayensi neThekhinoloji izikolo ezinabafundi beBakala 8 nele-9 zinikwe izixhobo ezithile zeThekhinoloji. Ezi zixhobo ziya kunceda ootitshala beThekhinoloji ekuphumezeni iNkalo yeSifundo yeNCS: iThekhinoloji ngendlela yokwenza ngezandla negxila kumfundi nethi ibonise ukusetyenziswa kwethekhinoloji.

2. Ikhithi yeThekhinoloji iya kusiwa ezikolweni ekupheleni kuka-Apreli 2007 inezi zinto zilandelayo:

  • 2 x izixhobo zoomatshini ezisebenza ngamandla asuka elangeni (solar power mechanical device)

  • 2 x i-hydro pneumo back-hoe (isixhobo esisebenzisa amandla oxinzelelo lwegesi ukumpompa amanzi)

  • 2 x electric dinosaur

  • 1 x Incwadana yesiNgesi

  • 1 x Incwadana yesi-Afrikansi.
3. Yakufika iKhithi yeThekhinoloji, makusetyenziswe le nkqubo ilandelayo:

  • Ukuba kukho naziphi na izinto ezingekhoyo kwikhithi, kucelwa ufeksele iinkcukacha zezo zinto zingekhoyo ku-L. Malan ngale nombolo yefeksi 021 467 2620 zingadlulanga iintsuku ezi-3 ifikile ikhithi.

  • Ikhithi mayifakwe kwi-inventri yesikolo.

  • Ikhithi yohlala iyipropathi yesikolo.

  • Intloko yeThekhinoloji mayaziswe ngokufika kwayo nezinto ezingaphakathi.

  • Ikhithi mayigcinwe ikhuselekile yaye kubekho inkqubo emiselwayo ukunciphisa ukulahleka kwayo.

  • Le khithi mayifumaneke ukuze isetyenziswe ngootitshala beThekhinoloji esikolweni.

  • Naziphi na izinto ezilahlekileyo kwikhithi mazirekhodwe kwi-inventri yesikolo.
4. Uqeqesho kusetyenziso lwekhithi luya kwenziwa nguMcebisi ngezeKharityhulam weThekhinoloji kwi-EMDC echaphazelekayo. UMcebisi ngezeKharityhulam weThekhinoloji uya kwazisa isikolo eso ngeenkcukacha zoqeqesho kwakule kota.

5. ISebe leMfundo leNtshona Koloni lizibophelele ekubeni kufundiswe yaye kufundwe ezikolweni ngokuthi kuthathwe inxaxheba ngamandla yaye linethemba lokuba le khithi iya kuxhasa ukuphuhliswa kwemiGangatho yoVavanyo yeThekhinoloji kwiisistim nakulawulo.


ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2007:04:23