| 2. |
Imihla ekuya kubhalwa ngayo amaphepha emibuzo athile imiselwe liSebe leMfundo likazwelonke (national Department of Education (DoE)) yaye ayisayi kujikwa ngaphandle kokuba kuvunyelwene nguzwelonke.
La maphepha emibuzo ngawezi zifundo zilishumi elinanye zikazwelonke, ekuzezi:
- Accounting HG no-SG
- Biology HG no-SG
- English Second [First Additional] Language HG no-SG
- History HG no-SG
- Mathematics HG no-SG
- Physical Science HG no-SG
- Geography HG no-SG
- Business Economics HG no-SG
- Economics HG no-SG
- Agricultural Science HG no-SG
- Afrikansi njengoLwimi lweSibini HG no-SG
|
| 3. |
Izifundo eziboniswe njengezehlelo SG kwisicwangciso samaxesha okubhala esiqhotyoshelweyo zenziwa kuphela ngeHlelo eliPhakathi (Standard Grade). Izifundo ezikumntla webloko nganye zibhalwa ngethuba lakusasa zize ezo zikumzantsi webloko zibhalwe ngenjikalanga. |
| 4. |
Abanye babaviwa kwiPhondo leNtshona Koloni babhalisele izifundo eziviwa ngamanye amaSebe eMfundo amaPhondo (other Provincial Departments of Education (PDEs)) nayiBhodi yeeMviwo eZimeleyo (Independent Examinations Board (IEB)). ISebe i-WCED alinalizwi ekucwangcisweni kwemihla yeemviwo zamaphepha alolu hlobo. ISebe i-WCED liya kuyibandakanya imihla yeemviwo zamaphepha ePDEs ne-IEB kwisicwangciso samaxesha okubhala seSebe i-WCED lakuba nje liyifumene. |
| 5. |
Ziyacelwa iinqununu ukuba zazise iSebe i-WCED ngako nakuphi na ukungqubana kwemihla kwisicwangciso samaxesha okubhala okanye izifundo ezingaba zisilele, ngencwadi ebhaliweyo ethunyelwa kulo (Head: Education (For attention: Mr TJ Magwaca), Western Cape Education Department, Private Bag X9114, Cape Town, 8000 okanye ngefeksi kulo Mr TJ Magwaca ngale nombolo (021) 467 2620), phambi kwangoLwesihlanu we-1 Juni 2007. Ukuba inqununu icela ukuba kutshintshwe umhla wokubhala isifundo okanye iphepha kumhla othile osele uxeliwe, mayicebise umhla esinokubhalwa ngawo eso sifundo okanye elo phepha. Nakuba kunjalo, ukutshintshwa komhla wokubhala isifundo okanye iphepha kuya kuqwalaselwa kuphela ukuba ngaba akusayi kubangela ingxaki eza kumisa kakubi uninzi lwabaviwa abachatshazelwa lutshintsho olo. |
| 6. |
Mayisoloko ikhunjulwa into yokuba esi sisicwangciso samaxesha okubhala sethutyana yaye sisenokutshintshwa. Isicwangciso samaxesha okubhala iimviwo sokugqibela (final examination timetable) siya kuthunyelwa kuwo onke amaziko emfundo ekuyeni ekupheleni kwekota yesithathu, emva kwenkqubo yokuqala yokulungiselelwa kwabangenele ukubhala iimviwo. |
| 7. |
Ziyacelwa iintloko zamaziko emfundo ukuba zazise bonke abaviwa boViwo lweMatriki ukuba mabasoloko bekho kumaziko lawo de kube ngumhla wokugqibela wekota yesine, ukulungiselela ukuba xa kuye kwakho imfuneko yokuba kuhlehliswe umhla wokubhala iphepha loviwo elithile. |
ISAYINWE: NGU- BK SCHREUDER
INTLOKO: YESEBE LEMFUNDO
UMHLA: 2007:04:24
|