| 1. |
ISebe leMfundo kuzwelonke kunye namasebe emfundo kumaphondo olithoba aza kuququzelela umnyhadala wokhuphiswano lomculo i-South African Schools' Choral Eisteddfod kwizikolo eziziiprayimari neziziisekondari ngo-2007.
|
| 2. |
Loo mnyhadala wokhuphiswano lomculo ulungiselela imvumi ezicula ngazodwa (soloists), ezicula zingamaqela (ensembles) neekwayara zezikolo kula macandelo alandelayo:
|
| 3. |
Umculo ulungiselelwe onke amacandelo. Iikwayara ezinganqweneli kuthatha nxaxheba kwezi zintlu zomculo zimiselweyo, zingacula amaculo azo ezizikhethele wona ngokwazo.
|
| 4. |
Imijikelo yokukhetha izikolo ezigqwesileyo kwii-EMDC iya kubanjwa ngoMeyi. Iikwayara ezigqwesileyo kwanabo bacula ngabodwa (soloists) abagqwesileyo baya kucelwa ukuba bathathe inxaxheba kumjikelo wokugqibela kwiphondo, noya kubanjelwa eKapa ukususela nge-29 Juni ukuya kwi-1 Julayi 2007.
|
| 5. |
Iikwayara eziziintshatsheli nabacula ngabodwa abaziintshatsheli kwiphondo ngalinye, baya kuya kumela amaphondo abo kumjikelo wokugqibela kazwelonke eRhawutini kusukela ngomhla we 2 -5 Agasti.
|
| 6. |
Zonke izikolo ziyamenywa ukuba zithathe inxaxheba kolu khuphiswano lwe-eisteddfod. Imigaqo yokuthatha inxaxheba nomculo omiselweyo ziyafumaneka kuMcebisi ngezeKharityhulam (wezobuGcisa neNkcubeko) okwi-EMDC yakho. (Funda olu luhlu lulandelayo.)
| I-EMDC | UMCEBISI NGEZEKHARITYHULAM
(WEZOBUGCISA NENKCUBEKO) |
| Metropole Central | Mr J Cowan/Ms I Bruce
Tel.: 021 659 4300
Fax: 021 659 4413 |
| Metropole East | Ms B Pretorius
Tel.: 021 900 7064
Fax: 021 903 2149 |
| Metropole North | Mr K Tabisher
Tel.: 021 938 3000
Fax: 021 938 3184 |
| West Coast & Winelands | Mr L du Preez
Tel.: 021 860 1200
Fax: 021 860 123 |
| Breede River & Overberg | Ms C Ross
Tel.: 023 348 4600
Fax: 023 342 4138 |
| Metropole South | Ms T Bandla
Tel.: 021 370 2000
Fax: 021 372 1856 |
| South Cape & Karoo | Mr J Theodore
Tel.: 044 279 1681
Fax: 044 279 1682 |
|
| 7. |
Umhla wokuvala amangeno (entries) ngowe-31 Matshi 2007.
|
| 8. |
Kucelwa wazise okukule ngcaciso imfutshane bonke ababhexeshi/abalawuli beekwayara bazo zonke izikolo ukuze bakuthathele ingqalelo.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2007:03:12
|