1. |
INkulumbuso yePhondo u-Ebrahim Rasool uza kwenza iNtetho yakhe yeSizwe yePhondo kwiNdlu yoWiso-Mthetho yePhondo ngoLwesihlanu, we-16 Februwari 2007.
|
2. |
INkulumbuso iya kusebenzisa eli thuba ngokuthi inike inkcazelo ngenkqubela-phambili eNtshona Koloni ukuza kuthi ga ngoku, icacise ngokuza kuqhubeka ku-2007 ukubheka phambili, ize ichaze ngakumbi ngombono weKhaya loMntu Wonke, (Home for All) apha kwiPhondo.
|
3. |
Ijelo losasazo iDSTV liya kusasaza le ntetho irekhodiweyo kwitshaneli i-Parliamentary channel (Channel 58) ngo-12:30. Sikhuthaza izikolo ukuba zibukele iDSTV okanye zirekhode le ntetho ukuze ziyisebenzise njengethuba lokufundisa nokufunda.
|
4. |
Le ntetho iya kubonelela ngethuba elihle lokuphuhlisa ulwazi nezakhono eziyimfuneko kwikharityhulam yesiFundo soLwazi ngeZobomi (Life Orientation curriculum) kwi-Social Development and Citizenship Education (IsiPhumo sesiFundo 2 kwi-GET neFET ngokulandelelana).
|
5. |
Umzekelo, le ntetho iya kuqulatha phakathi kwezinye izinto, iingxoxo ngezihloko ezifana nendima karhulumente, inkqubo yedemokhrasi, iyantlukwano, ubumi bokuthatha inxaxheba, ubulungisa kwezentlalo, ulwaphulo-mthetho, ubundlobongela, ubuhlwempu, iHIV ne-AIDS nophuhliso lolutsha.
|
6. |
Iinqununu ziyacelwa ukuba zazise ngokuqulethwe yile ngcaciso imfutshane kubo bonke ootitshala.
|
ISAYINWE: NGU-A.M. ATTWELL
INTLOKO: YESEBE LEMFUNDO
UMHLA: 2007:02:16
|