1. Die Wes-Kaap Onderwysdepartement se MIV/VIGS-eenheid wil dit graag onder die aandag van alle werknemers, ouers en leerders bring dat September Nasionale Skolemaand vir VIGS is.
2. Die skole en skoolgemeenskappe wat in 2006 gedurende die Skolemaand vir VIGS deelgeneem het aan gemeenskapsgeleenthede en georganiseerde skoolprogramme, word geloof vir hulle prestasies en entoesiasme.
3. Alle skoolbeheerliggame, opvoeders en leerders word weer eens aangemoedig om gedurende September met dieselfde vuur, entoesiasme en kreatiwiteit te fokus op MIV/VIGS om programme en geleenthede te ontwikkel wat opbou tot Wêreld-VIGS-dag op 1 Desember.
4. Skole en hulle vennote in die gemeenskap (ouers, gemeenskaps- en geloofsgebaseerde organisasies en die plaaslike regering) moet probeer om die volgende aspekte aangaande MIV/VIGS-lewensvaardighede en seksualiteitsopvoeding te dek:
  • Groter bewusmaking, waar die mites bespreek word en korrekte inligting voorsien word, ten einde die verspreiding van VIGS te bekamp en die invloed daarvan te versag
  • Die skep van 'n versorgende omgewing vir diegene wat deur die siekte besmet en beïnvloed is
  • Diskriminasie, dwelms, misdaad, tienerswangerskap, prostitusie en mishandelende gedrag wat die verspreiding van die virus in gemeenskappe kan vererger
  • Bevordering van positiewe en verantwoordelike gedrag en ontwikkeling van jong leiers vir die toekoms
  • Debatvoering oor kontroversiële kwessies soos kondoomgebruik, vrywillige berading en toetsing (VCT) en alternatiewe behandeling en medikasie
  • Bevordering van gesonde lewenstyle en die terugvind van norme en waardes in gemeenskappe
5. Skole kan hierdie doelwitte bereik deur kreatiewe programme vir leerders, ouers, opvoeders en skoolgemeenskappe te implementeer. Hierdie programme moet nie beperk word tot kurrikulumgebaseerde aktiwiteite nie, maar moet uitgebrei word om ook buitekurrikulêre aktiwiteite in te sluit.
6. Indien skole meer inligting of hulp benodig, kan hulle met die volgende koördineerders vir MIV/VIGS skakel by die onderskeie OBOS'e: 
Metropool-Sentraal:      Lynne Herrmann   Tel. 021 659 4300
Metropool-Suid:          Nceba Jalamba    Tel. 021 370 2072
Metropool-Noord:         Labeqa Abrahams  Tel. 021 938 3065
Metropool-Oos:           Esmé Kleinveldt  Tel. 021 900 7024
Weskus & Wynland:        Janine Kearns    Tel. 021 860 1200
Breederivier & Overberg: Alister Adonis   Tel. 023 348 4687
Suid-Kaap & Karoo:       Lionel Pedro     Tel. 044 874 3130
7. U entoesiastiese deelname aan programme gedurende die Nasionale Skolemaand vir VIGS sal hoog op prys gestel word.


GETEKEN: M.J. THERON
HOOF: ONDERWYS
DATUM: 2007:08:15