1. Die BOOV-subdirektoraat is betrokke by vennootskappe met verskeie regeringsdepartemente, besighede en nywerhede. Deur middel van hierdie vennootskappe kan BOOV-onderrig aangebied word aan werknemers by gemeenskapsleersentrums teen 'n spesiale koste. Betalings word dan direk aan die betrokke gemeenskapsleersentrum gemaak op 'n kwartaallikse basis op grond van die verslae wat deur die gemeenskapsleersentrum voorgelê is.
2. Die tweede kwartaal vir BOOV-sentrums nader sy einde en dit beteken dat verslae vir Vennootskapleerders nou betaalbaar is. Die keerdatum vir hierdie verslae is 28 Junie 2007.
3. Die profielvorm vir hierdie verslae is aangeheg of versoek dit per e-posadres adamon@pgwc.gov.za.
4. Verdere keerdatums vir 2007:
Kwartaal 3 se verslae: 20 September 2007
Kwartaal 4 se verslae: 27 November 2007
5. Let asseblief daarop dat as die verslae nie teen die keerdatums ontvang is nie, die onderskeie vennote nie betalings sal maak nie.
6. Vorms moet voltooi word en teruggestuur word aan die WKOD se Hoofkantoor vir die Vennootskapkoördineerder se aandag. Dit kan gefaks word aan 021 467 2268 of gepos word aan Die Hoof: Onderwys, Wes-Kaap Onderwysdepartement, Vir aandag: BOOV Vennootskapkoördineerder, Kamer 8.61, Privaatsak X9114, Kaapstad, 8000.


GETEKEN: D.R. SHEPHERD
HOOF: ONDERWYS
DATUM: 2007:06:20

Vennootskapsverslag  (grootte: 5 KB)