| 1. |
Die Wes-Kaap Onderwysdepartement (WKOD) wil graag aan al sy werknemers wat nie in besit is van 'n Algemene Onderwys-en-opleidingsertifikaat (AOOS) die geleentheid bied om een te verwerf.
|
| 2. |
Die doel van die AOOS is om leerders toe te rus met die waardes, kennis en vaardighede wat hulle kortkom om hulle sinvolle deelname binne die gemeenskap moontlik te maak of te verbeter, by te dra tot die ontwikkeling van onderhoubare gemeenskappe, 'n basis te verskaf vir leer in verdere onderwys en opleiding, om 'n stewige grondslag te verskaf vir die aanname van 'n produktiewe en verantwordelike rol in die werkplek.
|
| 3. |
Die WKOD, in samewerking met die Onderwys-, Opleiding- en Ontwikkelingspraktyke. Sektorale Onderwys en Opleidingsowerheid (OOOP SOOO), bied 150 werknemers die geleentheid om 'n WKOD -geregistreerde Leersentrum vir Volwassenes in 2007 by te woon.
|
| 4. |
Sulke sentrums is in alle distrikte gevestig en sal onderrig op BOOV-vlak 1 - 4 aan geïnteresseerde werknemers teen geen koste aanbied. Die OOOP SOOO sal alle onkostes dek.
|
| 5. |
Alle werknemers wat geïnteresseerd is word versoek om hulle belangstelling te toon deur die aangehegte vorm te voltooi en dit aan die WKOD terug te stuur teen 26 Maart 2007.
|
| 6. |
Om die inligting van elke werknemer wat geïnteresseerd is so vertroulik as moontlik te hou, word aansoekers versoek om slegs hulle kontakbesonderhede te verskaf. Die BOOV-subdirektoraat, met die bystand van die opleidingsentrums vir volwassenes, sal persoonlik kontak maak met elke individu om meer spesifieke inligting te verkry vir die plasing van individue by sentrums.
|
| 7. |
Alle WKOD-beamptes, insluitend diegene op distriksvlak en inrigtingsvlak, word versoek om alle werknemers wat onderwys vir volwassenes benodig aan te moedig om hulle belangstelling aan te dui op die aangewese tyd, veral in die geval van werknemers wat nie kan lees of skryf nie.
|
GETEKEN: S. NAICKER
HOOF: ONDERWYS
DATUM: 2007:03:09
|