| 1. |
Die Wes-Kaap Onderwysdepartement (WKOD) besef die belangrikheid daarvan om sy werknemers van die nodige leiding en ondersteuning te voorsien sodat hulle 'n gesonde leefwyse kan volg. Vir hierdie doel het die WKOD die Werkersgesondheids- en Welstandsprogram (WGWP) bekendgestel om aan werknemers bystand te verleen wanneer hulle met die uitdagings en krisisse van die lewe te doen kry. Die program benadruk die noodsaaklikheid daarvan om proaktief te wees indien 'n mens 'n gebalanseerde en gesonde leefwyse wil handhaaf.
|
| 2. |
Die WKOD het 'n Gesondheids- en Welstandsdag gereël wat in die Metropool-Suid-distrik sal plaasvind op 23 Augustus 2007 vanaf 12:00 tot 16:00. Die Gesondheids- en Welstandsdag sal aangebied word by die Ottery Youth & Teacher Training Centre, OBOS-saal, Plantasieweg, Ottery. Die Ottery Youth & Teacher Training Centre kan geskakel word by 021 703 3189 vir aanwysings.
|
| 3. |
Die volgende dienste sal gratis aangebied word:
- Leiding t.o.v. voeding
- TB-bewustheid
- MIV/VIGS-bewustheid
- Middelemisbruikbewustheid by SANRA
- Cholesteroltoets
- Hipertensietoets
- Papsmeer
- Borskankerondersoek
- Bewusmaking van beradingsdienste
- Holistiese masseerterapie
- Nael- en handesorg
- Geskenksakkies
|
| 4. |
Bring hierdie minuut asseblief onder die aandag van alle WKOD-personeel in die Metropool-Suid-distrik.
|
GETEKEN: E. KIRSTEN
HOOF: ONDERWYS
DATUM: 2007:08:15
|