| 1. |
Die kursus vir die Gevorderde Onderwyssertifikaat (GOS) in Verbruikerstudies is bedoel om onderwyserkwalifikasies te verbeter vir die onderrig van Verbruikerstudies, wat vroeër gedek is deur Huishoudkunde en Naaldwerk en Kleding.
|
| 2. |
Die kursus is ontwerp vir onderwysers wat Huishoudkunde en Naaldwerk en Kleding onderrig het sonder enige kwalifikasies in daardie vakke, of vir onderwysers wat 'n driejarige kursus in Naaldwerk en Kleding alleenlik gevolg het.
|
| 3. |
Die Wes-Kaap Onderwysdepartement bied beurse aan vir 50 onderwysers om die GOS (Verbruikerstudies) te behaal.
|
| 4. |
Hierdie GOS-kursus sal deeltyds aangebied word by die Universiteit van die Wes-Kaap (UWK) oor 'n tydperk van twee jaar, met aanvang Augustus 2007. Akkommodasie sal voorsien word vir onderwysers vanaf landelike gebiede.
|
| 5. |
Onderwysers wat om 'n beurs wil aansoek doen, moet die aangehegte Bylae A en B voltooi en dit dan, via hulle prinsipale, teen Dinsdag, 31 Julie 2007 voorlê aan
Die Hoof: Onderwys
Wes-Kaap Onderwysdepartement
Vir Aandag: Mnr G de Bruyn
Direktoraat: Menslikehulpbronontwikkeling
Grand Central Towers
Laer-Parlementstraat
KAAPSTAD
8000
|
| 6. |
Bring asseblief die inhoud van hierdie minuut onder die aandag van alle onderwysers van graad 10- en 11-Verbruikerstudies en graad 12-Huishoudkunde en Naaldwerk & Kleding.
|
GETEKEN: E. KIRSTEN
HOOF: ONDERWYS
DATUM: 2007:07:23
|