1. Die Nasionale Onderwystoekennings verleen erkenning aan voortreflikheid en 'n hoë graad van professionalisme, en voorsien die onderwysgemeenskap van die geleentheid om die prestasies van uitmuntende opvoeders te erken. Voorts plaas hulle die kollig op die buitengewone werk wat oor die algemeen deur opvoeders verrig word. Die Wes-Kaap Onderwysdepartement (WKOD) is dus trots om die provinsiale toekenningsgeleentheid vir die Nasionale Onderwystoekennings aan te bied en te organiseer.
2. Die onderskeie toekennings is soos volg: 
UITNEMENDHEID IN VROEËKINDONTWIKKELING
UITNEMENDHEID IN LAERSKOOLONDERRIG
UITNEMENDHEID IN SEKONDÊRESKOOLONDERRIG
UITNEMENDHEID IN LAERSKOOLLEIERSKAP
UITNEMENDHEID IN SEKONDÊRESKOOLLEIERSKAP 
UITNEMENDHEID IN INKLUSIEWE ONDERWYS EN 
SPESIALEONDERWYSBEHOEFTESONDERRIG
UITNEMENDHEID IN BASIESE ONDERWYS EN 
OPLEIDING VIR VOLWASSENES 
LEWENSLANGEPRESTASIETOEKENNING
3. Daar sal ook monetêre toekennings vir skole wees waar die klusterwenners, provinsiale wenners en nasionale wenners skoolhou.
4. Inligtingshandleidings en nominasievorms (aangeheg) word aan alle WKOD-inrigtings en BOOV- en VKO-sentrums versend. Alle opvoeders word uitgenooi om aan hierdie proses deel te neem deur nominasies (kriteria en formaat vervat in die inligtingshandleiding) by hulle prinsipale of sentrumbestuurders in te handig, wat die ingevulde nominasievorms aan hulle onderskeie onderwysbestuur-en-ontwikkelingsentrums (OBOS'e) vir die aandag van die OBOS-koördineerders moet stuur. Skakel asseblief met een van die volgende OBOS-koördineerders indien u meer inligting benodig:

OBOSKoördineerdersKontaknr
Suid-Kaap/KarooDr Fernholdt Galant028 713 2928
Breederivier/OverbergJohan van Tonder028 414 1321
Weskus/WynlandJA Mouton en Dr Michael le Cordeur022 482 1383
Metropool SuidDryfus Jonas021 370 2000
Metropool OostPhilip Saunders en Nelson Mama021 903 1729
Metropool NoordTrevor Adams en Spencer Tonkin021 938 3000
Metropool SentraalAlton Koense021 659 4375
5. U aandag word op die volgende uittreksels uit die nominasiehandleiding gevestig:

"Die prinsipaal/sentrumbestuurder moet 'n nominasievergadering belê wat die skoolbeheerliggaam of sentrumbeheerliggaam (SBL) moet insluit, waar die nominasieproses bespreek word."

"Die personeel en die SBL-lede moet die kriteriavereistes van elke kategorie bestudeer en eienskappe of kenmerke opstel vir hulle genomineerdes wat sal ooreenstem met bepaalde gegewe kriteria."

"Wanneer geskikte onderwysers/spanne genomineer is, moet hulle name op die gegewe nominasievorms ingevul word."
6. 'n Span moet bestaan uit nie meer as vyf opvoeders nie.
7. Prinsipale en sentrumbestuurders moet die nominasievergadering in die eerste week van die derde skoolkwartaal hou en nie later nie as 24 Julie 2007. 'n Notule moet van die vergadering bygehou word.
8. Prinsipale en sentrumbestuurders moet Bylae A invul en by die kringbestuurder indien, vir die aandag van die betrokke OBOS-koördineerder.
9. Die prysgeld wat deur skole of sentrums ontvang word, moet vir personeelontwikkeling aangewend word om die gehalte van onderrig te verbeter.
10. Nominasievorms en meer inligting kan afgelaai word van die webblad van die Direktoraat: Menslikehulpbronontwikkeling by http://curriculum.pgwc.gov.za/site/116/page/view/584
11. Die sluitingsdatum vir aansoeke is 31 Julie 2007.
12. Bring asseblief die inhoud van hierdie minuut onder die aandag van alle lede van u personeel.


GETEKEN: E. KIRSTEN
HOOF: ONDERWYS
DATUM: 2007:06:20

Bylae A  (grootte: 17 KB)

Nomination Form 1  (grootte: 93 KB)
Self Portrait Form 2  (grootte: 128 KB)
Motivation Form 3  (grootte: 151 KB)