Datum:5 en 6 Oktober 2007
Plek:Kaapse Onderwysinstituut, Nooiensfonteinweg, Kuilsrivier
Tye:5 Oktober: 15:00 - 19:00
6 Oktober: 08:30 - 13:30
Wie moet dit bywoon:Wiskunde-onderwysers vir graad R- tot graad 9

1. Die Wes-Kaap Onderwysdepartement (WKOD) nooi Wiskunde-onderwysers vir graad R tot graad 9 uit om óf as aanbieders óf as deelnemers deel te neem aan die Wiskunde-oplossingskonferensie.

2. Doel

Die doel van hierdie Wiskunde-konferensie is om voorbeelde te voorsien van maniere waarop Wiskunde effektief aangebied kan word.


3. Inligting vir Aanbieders
3.1 Onderwysers wat belangstel om 'n Wiskundeles of 'n "beste praktyk"-werkswinkel aan te bied by die konferensie, moet hulle deur die volgende laat lei:
  • Die les of "Hoe ek dit onderrig"-werkswinkel moet van toepassing wees op graad R- tot 9-Nasionale Kurrikulumverklaring vir Wiskunde.

  • Die les moet 'n aspek van die Wiskunde-sillabus vir 'n bepaalde graad onderrig.

  • Deelnemers aan die konferensie moet by die les of werkswinkel betrek word.

  • Duur: 40 minute. Laat 5 tot 10 minute toe vir groepbespreking of vrae.

  • Lokale sal draagbare tafels en stoele, 'n oorhoofse projektor en 'n swartbord hê.

  • Alle werksvelle vir die konferensie sal bymekaargesit en in boekvorm uitgedruk word. Dit beteken dat aanbieders nie addisionele afskrifte van gedrukte materiaal hoef te bring nie, tensy daar van deelnemers verwag word om die werkvelle te sny of te vou.

  • Alle gedrukte material moet getik word en indien moontlik op 'n laserdrukker gedruk word. Die WKOD sal die materiaal dupliseer.

3.2 Vul asseblief Bylae A in indien u belangstel om 'n item op 5 of 6 Oktober aan te bied en faks dit teen 31 Julie 2007 aan mnr A. Lamprecht by faksnommer 021 900 5175, of e-pos dit na alamprec@pgwc.gov.za.

4. Inligting vir Deelnemers
4.1 Onderwysers wat nie hulle werk wil aanbied nie, maar wat die konferensie wil bywoon, word versoek om hulle besonderhede op die skoollys in Bylae B in te vul.
4.2 Die ingevulde Bylae B moet teen 31 Augustus 2007 teruggestuur word aan mnr A. Lamprecht by e-posadres alamprec@pgwc.gov.za, of aan Gaynore Matthews by e-posadres gmatthew@pgwc.gov.za of na faksnommer 021 900 5175.
4.3 Die konferensieprogram sal insluit grootgroep-paneelbesprekings en parallelsessies wat deur die deelnemers aangebied word. Skole wat vir die konferensie registreer sal teen 14 September 2007 besonderhede van die konferensieprogram ontvang.
4.4 Die konferensietafief beloop R30 per afgevaardigde (om konferensiemateriaal te dek).

5. Logistieke sake

Deelnemers of aanbieders uit die landelike OBOS'e wat meer as 120 km retoer aflê, kan in die Kaapse Onderwysinstituut se koshuis oorbly op Vrydag, 5 Oktober 2007. Akkommodasie sal deur die WKOD betaal word. Vervoerkoste sal nie deur die WKOD gedek word nie.


6. Die WKOD vertrou dat hierdie konferensie 'n verrykende ervaring vir alle Wiskunde-onderwysers sal wees wat dit bywoon.


GETEKEN: E. KIRSTEN
HOOF: ONDERWYS
DATUM: 2007:04:22

Bylae A  (grootte: 7 KB)
Bylae B  (grootte: 10 KB)