1. 'n Groot getal permanente onderwysers in die Wes-Kaap Onderwysdepartement (WKOD) is onvoldoende gekwalifiseerd ten opsigte van die minimum professionele kwalifikasie wat nodig is vir registrasie by die Suid-Afrikaanse Raad vir Opvoeders.
2. Die Nasionale Professionele Diploma in Onderwys (NPDO) verskaf aan onderwysers wie se kwalifikasies gelyk aan of onder Relatiewe Onderwyskwalifikasiewaarde (ROKW) 12 is 'n ROKW 13-kwalifikasie, wat die minimumvereiste is. Die normale duur van hierdie diplomakursus is twee jaar van deeltydse studie.
3. Die diplomakursus sal aangebied word deur die Universiteit van Wes-Kaapland en die Kaapse Skiereiland Universiteit van Tegnologie.
4. Ondergekwalifiseerde onderwysers wat tans as ROKW 11 en 12 geklassifiseer is, word uitgenooi om aansoek te doen vir 'n beurs met die oog op studie vir die NPDO. In 2007 sal 'n totaal van 60 studente geakkommodeer word wat as volg gekeur sal word:
20 Grondslagfaseonderwysers  
20 Intermediêre Fase-onderwysers  
20 Senior Fase-onderwysers (graad 7 alleenlik)

LW In die geval waar kontaksessies vir onderwysers van die landelike OBOS-distrikte gereël word, sal hierdie onderwysers hulle reis- en verblyfkoste self moet dra.

5. Kursusse sal vroeg in April 2007 'n aanvang neem.
6. Onderwysers wat om 'n beurs wil aansoek doen, moet die aangehegte aansoekvorm voltooi. Leesbare fotokopieë van die vorm is aanvaarbaar.
7. Voltooide aansoekvorms moet via die prinsipale teen Vrydag, 30 Maart 2007 voorgelê word. Stuur die aansoeke aan
Die Hoof Onderwys
Vir Aandag: Mnr G de Bruyn (Kamer 8-78)
Wes-Kaap Onderwysdepartement
Direktoraat: Menslikehulpbronontwikkeling
Grand Central Towers
Laer Parlementstraat
KAAPSTAD
8000
8. Bring asseblief die inhoud van hierdie minuut onder die aandag van alle betrokkenes.


GETEKEN: E. KIRSTEN
HOOF: ONDERWYS
DATUM: 2007:03:12

Aansoekvorm  (grootte: 46 KB)