1. Soos aangedui in Menslikehulpbronontwikkelingsminuut 0003/2007, het die nasionale Departement van Onderwys (DvO) 'n proses in werking gestel vir die ontwikkeling van die professionele vereistes vir skoolhoofde. Hierdie proses sluit in die registrasie van 'n kwalifikasie, die Gevorderde Onderwyssertifikaat in Skoolleierskap (GOS:SL), deur Hoër Onderwysinrigtings (HOI's) by die Raad op Hoër Onderwys (RHO).
2. Voorlopige akkreditasie is deur die RHO toegeken aan die Universiteit van Wes-Kaapland (UWK), die Universiteit van Kaapstad (UK) en die Universiteit van Stellenbosch (US) om die deeltydse tweejaarprogram in die Wes-Kaap aan te bied.
3. Die bedoeling met die GOS:SL is om skole te help om leerplekke te word waar gehalteonderwys aangebied word, deur onderwysleiers te ontwikkel wat 'n kritieke begrip het van skoolleierskap en bestuur binne 'n demokratiese transformasie.
4. Alhoewel die kursus uiteindelik gemik is op die opleiding van onderwysers wat daarna strewe om prinsipale te word, word huidige prinsipale, en veral nuutaangestelde prinsipale, aangemoedig om aansoek te doen om deel van die program uit te maak. Bylae A verskaf meer inligting aangaande hierdie program.
5. Die eerste groep studente het vanjaar ingeskryf. Vir die tweede fase van hierdie GOS:SL-kursus sal altesame 190 onderwysers geakkommodeer word met die tweede inname in Januarie 2008. Volledige beurse sal toegeken word aan daardie onderwysers wat gekeur word vir die tweede inname.
6. Die keuring van onderwysers vir die kursus sal beperk word tot gebiede in die Wes-Kaap wat bedien kan word deur die drie HOI's (UWK, UK en US) in die Wes-Kaap, aangesien vir 'n deel van die program dit nodig sal wees dat lektore aan onderwysers by hulle skole onderrig sal verskaf.
7. Diensdoende prinsipale, adjunkprinsipale en departementshoofde wat verlang om vir die kursus in aanmerking te kom, word versoek om die aangehegte Bylaes B en C te voltooi en hulle aansoek teen Vrydag, 2 November 2007 aan die volgende adres te stuur: 
Die Hoof: Onderwys
Vir aandag: Mnr G de Bruyn (Kamer 8-78)
Direktoraat: Menslikekapitaalontwikkeling
Wes-Kaap Onderwysdepartement
Privaatsak X9114
KAAPSTAD
8000
8. Bring asseblief die inhoud van hierdie minuut onder die aandag van alle belanghebbendes.


GETEKEN: E. KIRSTEN
HOOF: ONDERWYS
DATUM: 2007:10:23

Bylae A  (grootte: 12 KB)
Bylae B  (grootte: 63 KB)
Bylae C  (grootte: 46 KB)