"We should move faster to address the challenges of poverty, underdevelopment and marginalization confronting those caught within the Second Economy, to ensure that the poor in our country share in our growing prosperity." Staatsrede van die President van Suid-Afrika, Thabo Mbeki (2006)

1. In 2005 het die kabinet die implementering van 'n "regstellende aksie"-program goedgekeur om alle Suid-Afrikaanse skole 'n gelyke kans te bied om gehalteonderwys vir al hulle leerders aan te bied. Dit staan bekend as die Program vir Gehalteverbetering, Ontwikkeling, Ondersteuning en Opheffing, verkort na PGOOO. Hierdie program is in April 2006 geïmplementeer met die doel om basiese hulpbronne soos toerusting, voorrade, infrastruktuur en personeelondersteuning aan die armste skole te verskaf.
2. Die skole wat vir die PGOOO geïdentifiseer is, is geselekteer in ooreenstemming met die voorskrifte van die Nasionale Norme en Standaarde vir Skoolbefondsing (NNSSB) soos gepubliseer in die Staatskoerant 29178 van 31 Augustus 2006. Die Wes-Kaap Onderwysdepartement (WKOD) het, ooreenkomstig nasionale direktiewe, 374 primêre en 33 sekondêre skole in Nasionale Kwintiele 1 en 2 plus 'n aantal leerderprestasieskole (LP-skole) geïdentifiseer wat in die PGOOO ingesluit moet word. Die program sal tot Maart 2011 loop en is gefokus op leerders in die armste 60% van ons skole. Dit behoort dus ongeveer 229 980 in 491 bereik. Die getal en name van skole wat per OBOS geïdentifiseer is, sowel as die jaar van implementering, verskyn op 'n lys as Bylae A. Die Hoofdirektoraat: Onderwysbeplanning lig graag die skole geïdentifiseer, van die voordele van die program in.
3. Die voordele van die program, gebaseer op beskikbare bronne, sluit die volgende in:

  • Fisiese bronne: 'n Geskikte, behoorlike struktuur wat maklik toeganklik is vir alle leerders, opvoeders en gemeenskapslede (insluitend fisies-gestremde persone); kragvoorsiening, drinkwater en sanitasie; sportvelde en/of -toerusting, meubels (insluitend banke, stoele vir onderwysers en leerders, tafels vir onderwysers, kaste en boekrakke); gespesialiseerde klaskamers; skryfborde en behoorlike omheinings

  • Leer- en onderrigbronne en -materiaal: Rekenaars (vir onderrig en leer, sowel as administratiewe doeleindes); kantoortoerusting insluitend kopieerders, drukkers en faksmasjiene; wetenskaplaboratoriums en/of wetenskaptoerusting, en biblioteke en/of klaskamerleeshoekies met bronne.

  • Menslike hulpbronne: Vaardigheidsopleiding en ondersteuning aan onderwysers

  • Versterking van skoolbestuurspanne en skoolbeheerliggame en die ontwikkeling van leierskapvaardighede in verteenwoordigende rade van leerders om skoolbestuur te bevorder
4. Gegewe die omvang van die ondersteuning wat aan skole gebied word om hulle te help om skole van voortreflikheid te word en om leerders se suksesvolle opvoeding eerste te plaas, is dit uiters belangrik dat die skool se belanghebbendes van die volgende kennis neem:

  • Die skool sal in die periode vanaf die middel van Maart tot die middel van Junie 2007onderwerp word aan 'n eksterne ouditproses om sy bronbehoeftes vas te stel.

  • 'n Afskrif van die skool se Skoolselfevaluering (SSE) en Skoolverbeteringsplan (SVP) moet voorgelê word aan die betrokke OBOS, nie later nie as teen 30 Junie 2007.

  • 'n Samewerkingsooreenkoms moet onderteken word tussen die skool se beheerliggaam en die WKOD.

  • 'n Moniterings- en evalueringsproses sal geloods word 12 maande na aflewering om die impak van die ondersteuning wat gegee is, vas te stel.


GETEKEN: S. NAICKER
HOOF: ONDERWYS
DATUM: 2007:03:09

Bylae A  (grootte: 74 KB)