1. Huidige onderwyswetgewing gee aan die Minister van Onderwys 'n mandaat om die standaarde van onderwysvoorsiening, -lewering en prestasie te evalueer en te monitor. Daarbenewens maak die Assesseringsbeleid vir Algemene Onderwys en Opleiding (DvO: Skoolregister van Behoeftes, 2001) voorsiening vir sistemiese evaluering (nasionale assessering) wat afgeneem moet word in 'n nasionaal verteenwoordigende steekproef van leerders en plekke van onderrig, ten einde al die aspekte van die skoolstelsel en leerprogramme te evalueer.
2. Die DvO sal in September 2007 'n Sistemiese Evaluering van graad 3 onderneem, in samewerking met die provinsiale departemente. Terselfdertyd sal 'n ewekansig geselekteerde groep skole met graad 6-leerders deelneem aan die Southern and Eastern Africa Consorium for Monitoring Educational Quality (SACMEQ) se studie.
3. Die volgende leerareas sal in die leerderprestasietake vir beide studies gedek word:
  • Geletterdheid
  • Gesyferdheid
4. Let asseblief daarop dat hierdie twee studies nie verband hou met en NIE dieselfde is as die WKOD se diagnostiese toetse nie.
5. Die Direktoraat: Gehalteversekering sal die skole wat vir die steekproef geselekteer is, vroeg in Julie 2007 daaromtrent in kennis stel.
5. Bring asseblief die inhoud van hierdie minuut onder die aandag van u personeel.


GETEKEN: L.J. ROSE
HOOF: ONDERWYS
DATUM: 2007:06:13

Bylae  (grootte: 139 KB)