1. Hierdie minuut het betrekking op die basislynevaluerings van opvoeders wat pas gekwalifiseer het, pas vir die eerste keer in die Departement aangestel is, uit die stelsel was en nou teruggekeer het of in tydelike poste aangestel is.
2. Die basislynevaluerings vir alle inrigtinggebaseerde opvoeders wat die Geïntegreerde Gehaltebestuurstelsel (GGBS) in 2007 begin implementeer het, moet nou afgehandel wees.
3. Die individuele uitslae van sulke opvoeders moet op die Saamgestelde Punteblad vir Individuele Opvoeders (Vorm QA5) gerekordeer word.
4. Die aangehegte Opsommende Saamgestelde Puntestaat moet ook ingevul word (Vorm AQ7).
5. Hierdie dokumente moet voor of op Vrydag, 20 April 2007 by die GGBS-koördineerders by die OBOS ingedien word deur die prinsipale van die betrokke inrigtings. Die ontwikkelingsbehoeftes van hierdie opvoeders moet ook aandag geniet gedurende die ontwikkelingsiklusse na die evaluering, in ooreenstemming met die GGBS-kalender vir Opvoeders vir 2007. POS'e word daaraan herinner om ontwikkelingsgeleenthede vir alle opvoeders op die verskillende posvlakke te reël, soos vereis.
6. Dankie vir u samewerking.


GETEKEN: S. GALANT
HOOF: ONDERWYS
DATUM: 2007:03:28

Opsommende Saamgestelde Puntestaat  (grootte: 12 KB)