1. Konferensie oor "Gehalteversekering: Toenemende Aanspreeklikheid en Verbetering van Gehalte"

Die Wes-Kaap Onderwysdepartement (WKOD) kondig graag 'n provinsiale konferensie aan, genaamd "Gehalteversekering: Toenemende aanspreeklikheid en verbetering van gehalte" vir skoolbestuurders, opvoeders en amptenare, wat gehou sal word op 7 en 8 September 2007.

1.1 Die konferensie sal in Kaapstad gehou word. Besonderhede sal in Mei 2007 voorsien word.
1.2 Registrasie sal plaasvind om 09:00 op Vrydag, 7 September 2007 en die verrigtinge vir die dag sal om 19:00 ten einde loop. Sessies sal op Saterdag, 8 September 2007 van 08:30 tot 15:30 plaasvind.
1.3 Die konferensieprogram sal referate insluit oor die jongste ontwikkelings in Gehalteonderwys en sal deur nasionale en internasionale sprekers voorgedra word.
1.4 Die konferensie sal besprekings tussen belanghebbendes aan die gang sit oor Gehalteversekeringbestuur binne die onderwysstelsel en sal die belangrikheid van aanspreeklikheid beklemtoon by die verbetering van gehalte in die onderwys. Dit sal ook 'n platform voorsien vir die uitruil van nuwe idees oor verbetering van gehaltebestuur in die stelsel.

2. Koste
2.1 Die tarief is R100 per afgevaardigde (om onkoste te dek m.b.t. huur, drukwerk en verversings, wat tee en twee middagetes sal insluit).
2.2 Reisborgskappe is beskikbaar vir afgevaardigdes wat verder as 250 km na die lokaal moet aflê (d.w.s. 'n retoerreis van 500 km).
2.3 Afgevaardigdes wat akkommodasie vir die duur van die konferensie benodig sal hulle eie onkoste in hierdie verband moet dra.

3. Registrasie
3.1 Aangesien die konferensie slegs 500 afgevaardigdes kan akkommodeer, moet belangstellendes so gou as moontlik registreer.
3.2 Registrasievorms sal gedurende Mei 2007 deur die Direktoraat: Gehalteversekering beskikbaar gemaak word.

4. Meer besonderhede met betrekking tot die konferensie sal mettertyd deurgegee word.
5. Skakel met die Direktoraat: Gehalteversekering by die volgende e-posadres: lprimo@pgwc.gov.za. vir meer inligting.
6. Skole word versoek om die inhoud van hierdie minuut onder die aandag van alle belanghebbendes te bring.


GETEKEN: L.J. ROSE
HOOF: ONDERWYS
DATUM: 2007:03:12