1. AGTERGROND
1.1 Die Nasionale Minister van Onderwys het aangedui dat sy 'n groot aantal briewe van Posvlak 2-departementshoofde ontvang het waarin hulle hulle ontevredenheid uitgespreek het oor die huidige beleid wat onderwysers se salarisse reguleer. Die algemene opvatting is dat Posvlak 1-opvoeders beter daaraan toe is as Posvlak 2-opvoeders. Hulle beskou die skepping van senior en meesteronderwysers en die moontlikheid dat laasgenoemde ook tot op salarisvlak 9 kan vorder, as problematies en kontraproduktief.
1.2 Die Nasionale Minister van Onderwys het dus versoek dat opvoeders ingelig word van die beweegrede vir die nuwe maatreëls sodat hulle beter insig in die aangeleentheid kan kry.
1.3 Nuwe diensvoorwaardes word in die Raad op Arbeidsverhoudinge in die Onderwys (RAVO) tussen die Nasionale Departement van Onderwys (werkgewer) en verteenwoordigers van die unies (werknemerspartye) beding en aanvaar. Die Nasionale Departement van Onderwys kan dus nie eensydig enige nuwe maatreëls implementeer wat 'n invloed het op bestaande diensvoorwaardes nie.
 
2. SALARISSE VAN TOEPASSING OP POSVLAK 1-ONDERWYSERS EN POSVLAK 2-ONDERWYSERS VOOR DIE INSTELLING VAN SENIOR EN MEESTERONDERWYSERS

Die volgende tabel dui die salarisse aan wat op Posvlak 1- en 2-opvoeders van toepasing was, en waaruit die verskille in salarisse wat van toepassing op ten volle gekwalifiseerde en ondergekwalifiseerde opvoeders was, duidelik blyk.

POSTETOEPASLIKE SALRISVLAKKE
 ROKW 10ROKW 11ROKW 12ROKW 13ROKW 14+
Onderwyser
Dosent
Prinsipaal 1		33, 4 & 5 4, 5 & 6 6, 7 & 87 & 8
Onderwyskundige
Departementshoof (DP)		5678 & 98 & 9

3. NUWE BELEIDE VAN TOEPASSING OP DIE POSISIE VAN POSVLAK 1-ONDERWYSERS
3.1 RAVO KOLLEKTIEWE OOREENKOMS 4 VAN 2003
Die huidige pos- en salarisstruktuur is op 1 April 2003 geïmplementeer. Dit is gedoen ingevolge 'n ooreenkoms tussen die werkgewer- en die werknemerpartye en daar word daarna verwys as RAVO Kollektiewe Ooreenkoms 4 van 2003. Hierdie struktuur het voorsiening gemaak vir die oorskakeling van Posvlak 1-onderwysers wat reeds op Salarisskaal 8 besoldig is, na senior onderwysers. Senior onderwysers is met ingang van 1 Januarie 2004 'n addisionele kerf toegestaan, terwyl diegene wat reeds op Kerf 6 of hoër van Salarisvlak 8 was geen addisionele kerwe gekry het nie. Die posisie van senior onderwyser is nie 'n bevorderingspos nie en hierdie poste is nie geadverteer nie. 'n Senior onderwyser is 'n Posvlak 1-onderwyser wat oor die vermoë beskik om leiding te gee aan minder ervare onderwysers. Alle onderwysers wat daarvoor gekwalifiseer het, het 'n kerfverhoging gekry met ingang van 1 Julie 2004, maar die senior Onderwysers wat die gewone jaarlikse kerfverhoging met ingang van 1 Januarie 2004 gekry het, het nie vir die bykomende kerf op daardie datum in aanmerking gekom nie.
3.2 RAVO KOLLEKTIEWE OOREENKOMS 5 VAN 2006
RAVO Kollektiewe Ooreenkoms 5 van 2006 maak voorsiening vir die instel van Meesteronderwysers op Posvlak 1 met ingang van 1 Julie 2005, wat besoldig moet word op salarisvlak 9. Hierdie nuwe maatreël maak dit moontlik vir 'n Posvlak 1-onderwyser om tot Salarisvlak 9 te vorder, teenoor die maksimum van Salarisvlak 8 waarheen hulle vantevore kon vorder. Hierdie posisie is ook nie 'n bevorderingpos nie en sulke posisies kan nooit geadverteer word nie. Salarisvlakke 6, 7, 8 en 9 is dus nou van toepassing op ten volle gekwalifiseerde opvoeders met ROKW 13 op Posvlak 1.

4. BEVORDERINGSPOS NA POSVLAK 2 (DH)
4.1 Die pos van Departementshoof (DH) is 'n bevorderingspos op Posvlak 2 en geskikte Posvlak 1-opvoeders moet aansoek doen om hierdie posisies. DHe word besoldig op Salarisvlakke 8 en 9. Beide Salarisvlakke 8 en 9 is dus van toepassing op beide Posvlak 1- en 2-opvoeders. Wanneer 'n opvoeder na Posvlak 2 vorder, vorder hy/sy tot ten minste Salarisvlak 8, terwyl 'n opvoeder wat reeds op vlak 8 is 'n aanpassing van 3 kerwe kry. Hou gouer 'n opvoeder dus bevorder word, hoe hoër is die salarisverhoging wat hy/sy ontvang en hoe gouer sal hy/sy na die hoër toepaslike salarisvlak beweeg.
4.2 Die salarisposisie van 'n opvoeder wat tot Posvlak 2 bevorder word, kan nooit laer wees as Salarisvlak 8 nie. Enige kwalifiserende Posvlak 1-opvoeder met ten minste 3 jaar se ervaring kan om sulke vakante posisies aansoek doen en kan vorder tot by daardie salaris, ongeag of hy/sy vantevore op Salarisvlak 6 of 7 was. Indien 'n opvoeder reeds besoldig word op Salarisvlak 8 of 9, sal die opvoeder die 3 addisionele kerwe ontvang in erkenning van die bevordering.

5. DIE IMPAK VAN VERBETERDE KWALIFIKASIES OP SALARISVORDERING

Let daarop dat die salarisvordering afhang van verskeie faktore, naamlik die opvoeder se kwalifikasies by aanstelling, op watter stadium hy/sy 'n kwalifikasie van Relatiewe Onderwyskwalifikasiewaarde (ROKW) 14 of hoër verwerf het en hoe gou hy/sy bevorder is. Dit neem 'n hele aantal jaar vir 'n Posvlak 1-onderwyser om Salarisvlak 8 te bereik (die beginvlak van toepassing op Posvlak 2-opvoeders). 'n Posvlak 1-opvoeder op Salarisvlak 9 is 'n baie ervare opvoeder wat dieselfde salaris as 'n DH ontvang. Die beweegrede vir die implementering van hierdie maatreël is dat sodanige opvoeder nie maklik om 'n Posvlak 2-pos of 'n pos buite die Onderwysdepartement hoef aansoek te doen nie. Derhalwe sal die opvoeders met waardevolle ondervinding in die klaskamer bly.

6. Die WKOD rig hiermee 'n uitnodiging aan alle skole om die Departement te skakel indien hulle 'n werkswinkel in hierdie verband sou wou bywoon.
7. Bring asseblief die inhoud van hierdie minuut onder die aandag van alle amptenare en versoek hulle om die dokument te onderteken en te dateer as ontvangserkenning.


GETEKEN: J.H. HURTER
HOOF: ONDERWYS
DATUM: 2007:04:17