1. Onderwyser- en staatsdiensunies het ‘n dooie punt in onderhandelings met die regering verklaar en het ‘n amptelike dispuut aangekondig. Albei partye het nou 30 dae waarin die dispuut bygelę moet word. Indien geen ooreenkoms bereik word deur bemiddeling en beraadslaging nie, het die unies die reg om hulle lede te mobiliseer en met ‘n nasionale staking te begin.
2. Met die oog daarop om vir die moontlike staking voor te berei en dit te bestuur en om enige misverstand te voorkom, sal daar van alle rolspelers verwag word om verskeie funksies te verrig.
2.1 Stap 1
2.1.1 Direkteure word versoek om die Direktoraat: Arbeidsverhoudinge in te lig aangaande die volgende teen 10.00 op die dag van die staking:
  • Watter direktorate/areas die meeste geraak word
  • Die getal skole/direktorate wat geraak word
  • ‘n Skatting van die getal opvoeders/staatdienswerkers wat nie vir werk aangemeld het nie
  • Of daar enige ontwrigting van werk of skoolonderrig plaasgevind het
  • Die getal skoolhoofde/lynbestuurders wat aan die staking deelneem
  • Of hierdie prinsipale/bestuurders hulle toesighouers in kennis gestel het van hulle voorneme om aan die staking deel te neem
  • Watter gebeurlikheidsplanne gereed is by skole/direktorate wat gevaar staan om ernstig ontwrig te word
2.1.2 Die Direkteur: Arbeidsverhoudinge sal die inligting benut om die impak van die staking te monitor en om die onderskeie ministers en departementshoofde in te lig aangaande die aksie.
2.1.3 Die inligting moet gestuur word per direktoraat of OBOS vir die aandag van mnr CR Esau na faksnommer 021 425 8612 of na e-pos: cesau@pgwc.gov.za
2.2 Stap 2
2.2.1 Die voorskrifte in die Staking-afdeling in die WKOD se stakingsgids moet streng toegepas word, veral die rekordhouding van enige werknemers wat aan die staking deelneem. Die betrokke bylae moet deur elke direktoraat/inrigting voltooi word: Spesifieke verwysings na datums, tye en name van individue wat aan die staking deelgeneem het, of wat hulle arbeid vir daardie dag of deel van die dag onthou het, moet gemaak word.
2.2.2 Bestuurders/hoofde van inrigtings sal verantwoordelik wees vir die voltooiing van die vorms. In gevalle waar die prinsipaal/bestuurder ook by die staking betrokke is, sal die adjunkhoof/-bestuurder verantwoordelik wees vir die voltooiing van die genoemde vorms. Indien die adjunkhoof/-bestuurder ook by die staking betrokke is, sal die kringbestuurder/direkteur hiervoor verantwoordelik wees.
2.2.3 Direkteure sal verantwoordelik gehou word vir die oorhoofse fasilitering van die proses in hulle onderskeie direktorate en OBOS’e.
2.2.4 Die betrokke direkteur moet seker maak dat alle voltooide vorms die Direktoraat: Arbeidsverhoudinge, vir aandag mnr CR Esau, 17de vloer, Goue Akker, KAAPSTAD bereik binne 5 dae vanaf die datum waarop die staking plaasgevind het. Dit is van die uiterste belang dat die inligting gesorteer en per direktoraat of OBOS voorgelę word. Beamptes en inrigtings word dus versoek om nie inligting direk aan die Hoofkantoor te verskaf nie. Direkteure is finaal daarvoor verantwoordelik om te verseker dat inligting korrek en volledig is, voor dit aan die Direktoraat: Arbeidsverhoudinge gestuur word.
2.2.5 Die Direktoraat: Arbeidsverhoudinge sal verantwoordelik wees vir die konsolidering van alle inligting en sal behulpsaam wees waar moontlik.
2.3 Stap 3
2.3.1 Alle OBOS'e en skole moet seker maak dat geen leerder sonder toesig by 'n skool gelaat word nie. Alle skole moet vroegtydig reël vir toesig van leerders indien hulle daarvan bewus is dat onderwysers aan die staking gaan deelneem.
2.3.2 Prinsipale moet daarop let dat geen skool gesluit mag word sonder kennisgewing en/of toestemming van die betrokke OBOS via die kringbestuurder nie.

3. BELANGRIKE FEITE
3.1 Alhoewel verskeie vorms van stakings as geklassifiseer of beskerm beskou word ingevolge die Wet op Arbeidsverhoudinge, 1995, sal die beginsel van “Geen werk, geen betaling” altyd van toepassing wees.
3.2 Die sogenaamde “Aftyd vir unie-aktiwiteite”-voorsiening mag onder geen omstandighede deur enige individu gebruik word vir die doel om deel te neem aan enige vorm van staking nie.
3.3 Stakende personeel kan doelbewus of onbewustelik verwarring veroorsaak deur foutiewe inligting aan die bestuur/hoofde van inrigtings te verskaf. Navrae m.b.t. prosedure of enige ander kwessies rakende die staking moet aan kringbestuurders of aan die Direktoraat: Arbeidsverhoudinge gerig word. Onder geen omstandighede mag bestuurders/hoofde van inrigtings raad van uniebeamptes rakende hierdie kwessie aanvaar nie.
3.4 Dit is gebiedend noodsaaklik dat alle inligting wat aangestuur word, deur die betrokke bestuurder/hoof van die inrigting geverifieer en gesertifiseer word. Geen inligting moet aan die Direktoraat: Arbeidsverhoudinge gestuur word sonder dat dit deur lg. gesertifiseer is nie.

4. NAVRAE

Indien die staking plaasvind, sal die volgende beamptes van die Direktoraat: Arbeidsverhoudinge aan diens wees om advies en bystand te verleen gedurende die betrokke tydperk:

5. U aandag word verder gevestig op Arbeidsverhoudingeminuut 01/2004 en 02/2004. Afskrifte van beide dokumente is beskikbaar by http://wced.wcape.gov.za/labour/circulars/minutes_index.html
6. Bring asseblief die inhoud van hierdie minuut onder die aandag van alle bestuurders en inrigtingshoofde.


GETEKEN: J.H. HURTER
HOOF: ONDERWYS
DATUM: 2007:05:02

Betrokke bylae  (grootte: 17 KB)