| 2. |
Die sluitingsdatum vir die indiening van dokumente vir die 2006/07-siklus was reeds 28 September 2007, maar aangesien moderering van die vorige siklus nie afgehandel was nie, kon daar nog nie 'n aanvang gemaak word met die moderering van die 2006/07-siklus se verslae nie. Ter voorbereiding van die komende modereringsproses, is al die stukke wat tot dusver ontvang is, op 'n databasis vasgelę. Let daarop dat slegs dokumente wat tot 14 Desember 2007 ontvang word, op die basis vasgelę sal word.
|
| 3. |
Om dus die verwante prosesse vir die PPBOS-siklus van 2006/2007 te voltooi, moet alle volledig ingevulde dokumente vir staatsdienspersoneel wat reeds aan u voorsien is (Bylaes A - D en I, asook Bylae E in gevalle waar dit nog nie ingedien is nie) voorgelę word aan die Hoof: Onderwys, Wes-Kaap Onderwysdepartement, Vir aandag: Die PPBOS-beampte, Direktoraat: Interne Menslikekapitaaladministrasie, Kamer 10-11, Privaatsak X9114, Kaapstad, 8000. Verslae wat na 14 Desember 2007 ontvang word, sal nie oorweeg word nie.
|
| 4. |
Benoemdes vir prestasiebonusse moet, soos in die verlede, binne die 20% normale distribusiekurwe per onderwysinrigting of -komponent val. Die indiening van Bylae I, waarna ook in die vorige paragraaf vewys word en wat deur toesighouers onderteken moet word, is absoluut noodsaaklik, aangesien die skriftelike motivering vir die prestasie van personeel gedurende die prestasiesiklus daarop aangedui moet word. (Neem asseblief kennis dat die riglyne wat tydens die bekendstelling van die PPBOS opgestel is en waarvolgens dit nie nodig was om motivering in te dien nie, as gewysig beskou moet word.) Verslae sonder 'n skriftelike motivering sal nie oorweeg word nie.
|
| 5. |
Bring asseblief die inhoud van hierdie minuut onder die aandag van alle staatsdienspersoneel onder u toesig.
|
GETEKEN: E. KIRSTEN
HOOF: ONDERWYS
DATUM: 2007:11:16
|