| 2.1 |
Inskrywings van voltydse leerders in alle openbare gewone en onafhanklike skole vir die November 2007 Senior Sertifikaat-eksamen asook die Graad 11-eksamen sal via die SOBIS-databasis hanteer word.
|
| 2.2 |
U word dringend versoek om seker te maak dat die data van alle graad 11- en 12- leerders op die SOBIS-databasis so gou as moontlik bygewerk word.
|
| 2.3 |
Maak asseblief seker dat die besonderhede van alle leerders korrek is en dat die vakke en graad geverifeer is en dat elke leerder in Graad 11 en 12 daarvoor geteken het. Na voltooiing van al die velde moet u 'n skedule vir elke inskrywing uitdruk en nagaan. Nadat alle regstellings op die leerderrekord aangebring is, moet die skedule weer gedruk word. Die hoof van die inrigting moet hierna die skedule as korrek sertifiseer en by die Wes-Kaap Onderwysdepartement indien teen nie later nie as Vrydag, 30 Maart 2007 by
Die Hoof: Onderwys
Wes-Kaap Onderwysdepartement
Vir Aandag: Mev C Abrahams
Direktoraat: Eksamens
Privaatsak X9114
Laer-Parlementstraat
Kaapstad
8000
Telefoonnommer:
021 467 2912
021 467 2913
021 467 2868
021 467 2890
|
| 3. |
BOOV- en privaatleerders
|
| 3.1 |
Die huidige eksamenstelsel maak nie voorsiening vir die aanlyn-registrasie van privaat- en deeltydse leerders (BOOV-leerders) nie en om hierdie rede word inskrywingsvorms ingesluit (pienk vir deeltydse (BOOV-) leerders en groen vir privaatleerders). U word vriendelik versoek om die aangehegte inskrywingsvorms vir die 2007 Senior Sertifikaat-eksamen in te vul vir u skool/sentrum se ingeskrewe privaat- of deeltydse leerders (BOOV), sowel as Bylae A en Bylae B.
|
| 3.2 |
Die voltooide inskrywingsvorms en meegaande bylaes moet asseblief aan bogenoemde adres gestuur word en moet die kantoor teen nie later nie as 15 Maart 2007 bereik.
|
| 4. |
Die Departement ondervind elke jaar probleme met die finalisering van die inskrywings vir die eksamen as gevolg van foute. Vele versoeke om vak- en graadveranderings word ook ná die finalisering van inskrywings sowel as gedurende die eksamen ontvang. U sal begryp dat hierdie aansoeke groot probleme veroorsaak met die prosessering van die uitslae en 'n addisionele administratiewe las op die Direktoraat: Eksamens plaas. Maak dus asseblief seker dat die registrasie van leerders in alle opsigte korrek geskied. Tydens die 2006 November-eksamen het tientalle leerders wederregtelik van vak/graad verander. Die Departement behou hom vanjaar die reg voor om die uitslae van sodanige leerders nietig te verklaar.
|
| 5. |
U samewerking sal gewaardeer word.
|
GETEKEN: L.C. ARENDSE
HOOF: ONDERWYS
DATUM: 2007:02:16
|