| 1. |
Die Wes-Kaap Onderwysdepartement (WKOD) sal in Junie 2007 die Vlak 4-assessering aanbied ooreenkomstig die toepaslike reëls, kriteria en standaarde. Die Direktoraat Eksamens sal die assessering organiseer en administreer en die Direktoraat Kurrikulumontwikkeling sal die nodige kurrikulum- kundigheid voorsien.
|
| 2. |
Alle geregistreerde WKOD-Gemeenskapsleersentrums (GLS'e) word versoek om hulle leerders in te skryf vir assessering in die leerareas van hulle keuse, maar slegs indien hulle al die eenheidstandaarde in die betrokke leerareas voltooi het. Waar moontlik sal aan al die leerareabehoeftes van die leerders voldoen word. Die Direktoraat: Eksamens behou egter die reg voor om geen assessering aan te bied in 'n leerarea waar daar te min inskrywings is nie.
|
| 3. |
Die assessering tel 50% en die ander 50% is afkomstig van 'n gemodereerde DASS-portefeulje.
|
| 4. |
Die rooster vir die Junie 2007-assessering sal eersdaags aan u voorsien word.
|
| 5. |
Sentrumbestuurders word versoek om een van die ingeslote inskrywingsvorms in te vul ten opsigte van elke leerder aan hulle sentrum wat verlang om vir die assessering in te skryf. Die inskrywingsvorm van 'n leerder wat as gevolg van siekte of ander onvermydelike omstandighede nie beskikbaar is nie moet onderteken word deur die sentrumbestuurder wat teenoor sy of haar handtekening aandui dat die leerder afwesig was.
|
| 6. |
Inskrywingsgroep: Gebruik die toepaslike kode om aan te dui of die leerder van 'n Departementele ("Openbare") of 'n onafhanklike ("Industriële") volwassene-leersentrum afkomstig is.
|
| 7. |
Let asseblief daarop dat geen leerareaveranderings toegelaat sal word nadat die inskrywings gefinaliseer is nie. Dit is dus van die allergrootste belang dat inskrywingsvorms noukeurig en met die grootste sorg voltooi moet word.
|
| 8. |
Alle voltooide inskrywingsvorms in streng alfabetiese volgorde en vergesel van Bylae A moet die Direktoraat Eksamens bereik teen nie later nie as Vrydag, 23 Maart 2007. Geen laat inskrywings sal aanvaar word nie.
|
| 9. |
Die riglyne rakende die standaardisering, appêlle en sertifisering kan verkry word in Omsendbrief 0027/2004 en moet saamgelees word met die dokument, Nasionale Beleid oor die afneem van die VBOO-vlak 4-eksamens, wat in 2002 aan Openbare Volwasseneleersentrums voorsien is. Hierdie dokument het in Staatskoerant deel 445, 23590 van 5 Julie 2002 verskyn en is ook by http://www.gov.za/gazette/notices/2002/23590.pdf beskikbaar [grootte: 2.97 MB].
|
GETEKEN: A.P. CLAUSEN
HOOF: ONDERWYS
DATUM: 2007:02:12
|