1. Ons verwys u na Eksamenminuut 0037/2007 van 15 Augustus 2007, wat u ingelig het dat die nasionale Departement van Onderwys tans 'n nuwe rekenaarprogram toets vir die prosessering van eksamenresultate. In hierdie program is die kandidaat se identiteitsnommer (ID-nommer) 'n verpligte veld.
2. Vanaf 2008 sal die ID-nommer van elke kandidaat vir die Nasionale Senior Sertifikaat gebruik word vir die registrasie van die kandidaat asook as daardie kandidaat se eksamennommer.
3. Volgens die jongste inligting oor die SOBIS ontbreek die ID-nommers van meer as 28 000 van die huidige graad 11-leerders.
4. Met dit in gedagte word prinsipale vriendelik versoek om te verseker dat die ID-nommers van al hulle huidige graad 10- en 11-leerders vasgelê is op die SOBIS teen 23 November 2007.


GETEKEN: CD BIRTLES
HOOF: ONDERWYS
DATUM: 2007:11:07