1. Die aangehegte eisvorm (Bylae A) moet deur die Hoofopsiener ten opsigte van homself of haarself en elke hulpopsiener wat by ‘n betrokke sentrum diens gedoen het, voltooi word. Die eisvorm(s) moet in SWART INK voltooi word. Die aantal sessies moet deur die prinsipaal/sentrumbestuurder bevestig word deur mede-ondertekening van die eisvorm.
2. Indien opsieners na die inhandiging van die nominasievorms van posadres verander, moet die Departement skriftelik daarvan in kennis gestel word.
3. Gevangenisse wat gebruik maak van opsieners anders as hul eie personeel, moet die Departement skriftelik aangaande sulke reëlings inlig.
4. Opsieners sal teen Departementele tariewe vergoed word. Die aangepaste tariewe is soos volg:
Hoofopsiener  R96,30 per sessie
Hulpopsiener  R64,20 per sessie
U word daaraan herinner dat onafhanklike skole en kolleges verantwoordelik is vir die besoldiging van hul opsieners.
5. By die betaling van opsieners word eksamensessies voor twaalfuur as oggendsessies beskou. (Noukeurigheidstoets in Tik vanaf 9:00 - 9:10 uitgesluit) Eksamensessies wat na twaalfuur begin, word as middagsessies beskou.
6. Eise vir plaasvervangers van opsieners wat ontvang word, sal slegs geprosesseer word indien die korrekte prosedure met die nominasie en aanstelling gevolg is.
7. Daar moet toegesien word dat slegs die voorgeskrewe aantal hulpopsieners per sessie gebruik word. ‘n Brief ter verduideliking moet die eisvorms vir addisionele opsieners vergesel.
8. Die meerderheid prinsipale het reeds ingestem dat opsienersgelde in hul skool se bankrekening gedeponeer kan word. Ten einde hierdie skole se eise teen 07 Desember 2007 te prosesseer, moet hulle eisvorms ingedien word om die Departement nie later nie as 23 November 2007 te bereik. Eise wat ná dié datum ontvang word, sal eers in Januarie 2008 afgehandel kan word.
9. Die eisvorm voorsien kolomme vir hoofopsieners wat die verpligte opleidingsessie bygewoon het om die afstand wat hulle gereis het, hetsy binne ’n radius van 75 km of verder as dit, aan te dui. Eis slegs vir een sessie indien gereis is van ‘n punt binne ‘n radius van 75 km; of vir twee sessies indien vanaf ‘n punt buite ‘n radius van 75 km gereis is.
10. Hoofopsieners wat bystand verleen het tydens die ontvangs en kontrolering van eksamenvraestelle moet hulle eis vir hierdie dienslewering in die aangewese kolom op die eisvorm aandui. Hulle mag egter vergoeding vir slegs een addisionele sessie eis vir hulp tydens die kontrolering van die 3 besendings vraestelle.
11. Ten einde die betaling van opsienerseise te bespoedig, mag die vorms na hierdie kantoor gefaks word na faksno. 021 461 5637, of 086 692 2242 in welke geval die oorspronklike eisvorm aan die Departement gepos moet word. Die Hoofopsiener moet ‘n afskrif van die voltooide eisvorm vir rekorddoeleindes hou.
12. Die oorspronklike kopie van eisvorms moet op die vinnigste moontlike manier hetsy per pos, koerierdiens, of per hand, onmiddellik na afloop van die laaste eksamensessie by u sentrum, aan een van die volgende adresse versend word:

Posadres    Straatadres
Die Hoof: Onderwys
Vir aandag:
  Me VB du Plessis / Me E Du Toit
Wes-Kaap Onderwysdepartement
Direktoraat: Eksamens
Privaatsak X9114
KAAPSTAD
8000
          Die Hoof: Onderwys
Vir aandag:
  Me VB du Plessis / Me E Du Toit
Wes-Kaap Onderwysdepartement
Direktoraat: Eksamens
5de Vloer - Kamer 515 A
Grand Central Towers
Laer Parlementstraat
KAAPSTAD


GETEKEN: AP CLAUSEN
HOOF: ONDERWYS
DATUM: 2007:09:26


Die dokumente, waarna verwys word in die Minuut, is aan skole gestuur.