1. Die spesiale skryfbehoeftes wat deur leerders in bepaalde vakke benodig word, word aangedui op die aangehegte Bylae A.
2. Met die uitsondering van die eksamens wat hieronder aangedui word, moet die opsiener elke leerder van 'n antwoordboek voorsien wat toepaslik is vir die graad waarin hy/sy die eksamen aflê.
3. 'n Leerder wat vir 'n addisionele antwoordboek vra en wat een ontvang, moet aangesê word om die tweede boek binne-in die eerste te plaas. U word versoek om 'n rekord by te hou van al die addisionele antwoordboeke wat uitgereik is, en om onmiddellik na elke sessie na te gaan of hierdie antwoordboeke ook ingehandig is.
4. Geen antwoordboeke moet uitgereik word aan leerders vir die volgende eksamens nie, aangesien die vrae óf op die vraestel óf op die antwoordblaaie wat voorsien word, beantwoord moet word.
Aardrykskunde HG/SG, Tweede Vraestel (Kaartwerk)
Musiek HG/SG, Eerste Vraestel (Harmonie en Komposisie)
Houtwerk SG (Tekene)
Technika (Siviel) HG/SG
Tegniese Tekene HG/SG
5. Goedgekeurde sakrekenaars mag gebruik word (sien Bylae A).
6. Leerders kan van addisionele tekenpapier voorsien word, indien nodig.
7. Elke skool/sentrum sal voorsien word van 'n genoegsame hoeveelheid etikette en afleweringsnotas vir die versending van die skrifte deur die toepaslike koerierdiens.
8. Prinsipale word versoek om leerders van die inhoud van hierdie Eksamenminuut in kennis te stel.


GETEKEN: A.P. CLAUSEN
HOOF: ONDERWYS
DATUM: 2007:09:21

Bylae A  (grootte: 8 KB)