Die finale lys van inskrywings word hierby ingesluit vir rekorddoeleindes. Kontroleer asseblief dat alle korreksies aangebring is. Skole moet teen 20 September 2007 skriftelik bevestig dat die lyste in alle opsigte korrek is of anders foute wat nog mag voorkom, aandui.

U word daaraan herinner dat die Junie- en Septemberpunte nie aan die Departement terugversend moet word nie. Dit moet egter geredelik beskikbaar wees wanneer die Departement die betrokke punte benodig, bv. tydens die ondersoek na onreëlmatighede. Om hierdie rede is dit nodig dat prinsipale gedurende die Desembervakansie telefonies bereikbaar moet wees, of dat alternatiewe reëlings met 'n personeellid getref sal word. U word versoek om 'n afskrif van u eie puntelyste vir Junie en September na die assesserings- koördineerder by u OBOS te stuur vir die monitering van leerders se vordering.

Waar dit van toepassing is, sal 'n lys van privaat leerders wat die eksamen by u skool sal aflê, vir u kennisname ingesluit word. 'n Afskrif van hierdie lys moet aan die hoofopsiener van u skool voorsien word.

Die aangehegde lys van leerders met diakritiese tekens op hulle name word ingesluit. Dui asseblief die toepaslike diakritiese tekens op die leerders se van(ne) of voorname byvoorbeeld è of ë ens. Indien leerders nie op die lys is nie,voeg asseblief hulle name by. Let asseblief daarop dat die lys teruggestuur moet word (faks na 021 461 5637) vir aandag Me. C. Abrahams.

Die opsommingsblad moet ten opsigte van alle leerders wat deur die Departement geregistreeer is en wat vrygestel is van die verpligting om 'n tweede amptelike taal aan te bied of te slaag, voltooi word. Indien 'n skool geen leerders het wat vir taalvrystelling in aanmerking kom nie, moet 'n nulopgawe ingedien word. Faks asseblief die voltooide vorm aan Mnr. G Valentine by 021 461 5637