1. Verwys asseblief na Eksamenminuut 0042/2007 in verband met die versending van vraestelle na eksamensentrums in vier besendings.
2. Die puntestate en skrifkontroleregister word saam met die ooreenstemmende vraestelle aan skole versend.
3. Die puntestate is in drievoud gedruk en moet deur die prinsipaal/sentrumbestuurder aan die hoofopsiener oorhandig word. Die oorspronklike en die eerste afskrif van die puntestaat moet die antwoordskrifte na die Departement vergesel. Die derde afskrif moet deur die prinsipaal/sentrumbestuurder bewaar word vir rekord- of navraagdoeleindes.
4. Die skrifkontroleregisters word in tweevoud voorsien en moet deur die prinsipaal/sentrumbestuurder aan die hoofopsiener oorhandig word. Die oorspronklike moet die antwoordskrifte na die Departement vergesel. Die hoofopsiener moet die afskrif bewaar vir rekord- of navraagdoeleindes.
5. Ingesluit is ook 'n kontrolelys vir puntestate. Dit sal die hoofopsiener in staat stel om te kontroleer dat alle toepaslike puntestate deur die skool ontvang is en ook verseker dat alle puntestate na die Departement teruggestuur is. (kontrolelys vir puntestate moet nie aan die Departement teruggestuur word nie )
6. U word verwys na die "Prosedurehandleiding vir Prinsipale en Opsieners" wat reeds aan prinsipale, sentrumbestuurders en hoofopsieners voorsien is, vir die prosedure wat gevolg moet word tydens die invul van die puntestate, skrifkontroleregister en die gereedmaak van antwoordskrifte vir terugsending aan die Departement.

L.W. 'N DRINGENDE BEROEP WORD OP PRINSIPALE/SENTRUMBESTUURDERS EN HOOFOPSIENERS GEDOEN OM TOE TE SIEN DAT HIERDIE INSTRUKSIES STIPTELIK UITGEVOER WORD.

7. Alle navrae in verband met die nie- ontvangs van puntestate moet aan Me. I. Gonçalves (telefoon:021 467 2911) gerig word. Mnr C. Berry (telefoon 021 467 2265) sal navrae in verband met die aflewering van vraestelle hanteer.


GETEKEN: C.D. BIRTLES
HOOF: ONDERWYS
DATUM: 2007:09:10