| 1.1 |
Die gerekenariseerde puntestate vir alle deurlopende assessering word hierby ingesluit, buiten vir die vakke wat aangedui word in Bylae A. Puntestate vir bogenoemde vakke word direk aan kurrikulumadviseurs voorsien.
|
| 1.2 |
Die ingeslote puntestate moet beskikbaar gestel word aan die kurrikulumadviseurs op die dag van moderering. Die gemodereerde punte moet deur die kurrikulumadviseur op die departementele puntestate oorgedra word.
|
| 2. |
TOEKENNING VAN DASS-PUNTE
'n Punt moet toegeken word aan elke kandidaat wie se eksamennommer op die puntestaat verskyn. Dit is ook van toepassing op leerders wat
- geskors of tydelik uit die skool geskors is.
- aansoek gedoen het om sentrumverandering.
- afwesig was vir 'n verlengde tydperk gedurende die jaar.
- afwesig was op die dag van moderering.
- geregistreer was vir 'n vak by 'n ander skool of sentrum.
|
| 3. |
LEERDERS WAT AFWESIG IS EN DIÉ MET GEEN DASS-PUNTE NIE
|
| 3.1 |
Onder geen omstandighede mag 'n kandidaat se punte uitgelaat word nie. Indien 'n kandidaat een of meer DASS-item ingedien het, maar een of meer van die oorblywende take nie gedoen het nie, ontvang die kandidaat "0" vir elke taak wat nie ingehandig is nie. Die kandidaat word dus gepenaliseer vir werk wat nie gedoen is nie.
Byvoorbeeld:
| TAAK | TAAK 1 | TAAK 2 | TAAK 3 | TAAK 4 | TAAK 5 |
| MAKS. PUNTE | 5 | 5 | 30 | 20 | 40 |
| PUNTE VERWERF | 4 | 0 | 16 | 0 | 20 |
Gevolglik is 4+0+16+0+20 = 40/100 (40%)
|
| 3.2 |
Vir leerders wat geen DASS-take gedurende die jaar voltooi het nie, moet "999" op die puntestaat aangedui word. Dit is die enigste geval waar "999" op die DASS-puntestate ingevul mag word.
|
| 3.3 |
Indien 'n kandidaat afwesig was met 'n mediese sertifikaat vir enige taak, word die kandidaat se maksimum DASS-punte dienooreenkomstig aangepas en die kandidaat kry 'n punt uit die verminderde totaal. Daardie aangepaste punt word dan omgeskakel in 'n punt uit die korrekte maksimum punt.
Byvoorbeeld
| KOMPONENT | ITEM 1 | ITEM 2 | ITEM 3 | ITEM 4 | ITEM 5 |
| MAKS. PUNTE | 5 | 5 | 30 | 20 | 40 |
| PUNTE VERWERF | 4 | 0 | 16 | 0 | 20 |
Gevolglik is 4+16+20 = 40/75 omgeskakel na 54/100 (54%)
|
| 4. |
VAK- EN GRAADVERANDERING
In gevalle waar verandering van vak of graad deur die Departement goedgekeur is, moet die verandering (vaknaam en graad) op die puntestaat teenoor die kandidaat se naam en eksamennommer aangedui word. Skryf "888" in die puntekolom en die kandidaat se punt in die kolom naas die puntekolom (sien aangehegte voorbeeld).
|
| 5. |
LEERDERS MET SPRAAK- EN/OF GEHOORSTOORNISSE
Leerders met 'n spraak- en/of gehoorstoornis moet in die plek van 'n mondelingpunt 'n pro rata-punt ontvang wat gebaseer is op die punte vir geskrewe werk vir die Junie- en September-eksamens.
|
| 6. |
PRINSIPALE SE VERANTWOORDELIKHEID BY INVUL VAN PUNTESTATE
Prinsipale moet toesien dat alle leerders in hul skool die vereiste DASS-punte ontvang het. DASS-punte wat ingedien word nadat moderering afgehandel is, sal nie deur die Departement aanvaar word nie tensy daar 'n geldige rede vir die laat indiening is.
|
| 7. |
KEERDATUM
Assesseringskoördineerders word versoek om toe te sien dat die ingevulde puntestate die Direktoraat: Eksamens teen 9 November 2007 bereik.
|
| 8. |
HANTERING VAN NAVRAE
Prinsipale word versoek om nie leerders sonder DASS-punte direk na die Departement te verwys nadat die Matriekuitslae bekend gemaak is nie. Die korrekte prosedure via die assesseringkoördineerders by die OBOS moet gevolg word
|
GETEKEN: A.P. CLAUSEN
HOOF: ONDERWYS
DATUM: 2007:09:07
|