| 1. |
Voltooiing van eisvorm
|
| 1.1 |
Die aangehegte eisvorm (Addendum A) ten opsigte van die aanvullende eksamen moet deur die Hoofopsiener ten opsigte van homself/haarself en elke hulpopsiener wat by 'n betrokke sentrum diens gedoen het, voltooi word.
|
| 1.2 |
Sorg moet gedra word dat alle persone wat by daardie sentrum diens gedoen het, se name en identiteitsnommers op die voltooide eisvorms aangedui word. Alle inligting op die eisvorm(s), moet in swart ink voltooi word.
|
| 1.3 |
Die aantal sessies moet deur die prinsipaal/sentrumbestuurder bevestig word deur mede-ondertekening van die eisvorm.
|
| 2. |
Prinsipale van onafhanklike skole en kolleges word daaraan herinner dat hulle verantwoordelik is vir die besoldiging van hulle opsieners.
|
| 3. |
Indien opsieners na die inhandiging van die nominasievorms van posadres verander, moet die Departement skriftelik van sodanige verandering in kennis gestel word.
|
| 4. |
Na afloop van die laaste eksamensessie moet die eisvorms per geregistreerde pos of per hand afgelewer word, aan die volgende adres:
Posadres/Straatadres
Die Hoof: Onderwys
Vir aandag: me VB du Plessis
Direktoraat: Eksamens
Wes-Kaap Onderwysdepartement
Privaatsak X9114/5de Vloer - Kamer 515 A
Grand Central Towers
Laer Parlementstraat
KAAPSTAD
8000/8001
|
| 5. |
Gevangenisse of Jeugsorgsentrums wat gebruik maak van opsieners anders as hul eie personeel, word versoek om die Departement skriftelik van sulke reëlings in te lig.
|
| 6. |
Opsieners sal teen Departementele tariewe vergoed word.
L.W: By die betaling van opsieners word eksamensessies voor twaalfuur as oggendsessies beskou. (Noukeurigheidstoets in Tik vanaf 9:00 - 9:10 uitgesluit) Eksamensessies wat na twaalfuur begin, word as middagsessies beskou. Die Departementele tarief vir hoofopsieners is R89,60 en vir hulp-opsieners R59,75 per sessie.
|
| 7. |
Eise vir plaasvervangers van opsieners wat ontvang word, sal slegs geprosesseer word indien die korrekte prosedure met die nominasie en aanstelling gevolg is.
|
| 8. |
Daar moet toegesien word dat slegs die voorgeskrewe aantal hulpopsieners per sessie aangestel word. 'n Verduidelikende brief moet die voltooide eisvorms vir addisionele opsieners vergesel.
|
| 9. |
Alle opsienersgelde sal in die skool se bankrekening gedeponeer word, behalwe waar vooraf gereël is dat dit in die opsieners se bankrekeninge inbetaal word.
|
GETEKEN: L.C. ARENDSE
HOOF: ONDERWYS
DATUM: 2007:01:18
|