1. Die eerste eksamen vir die Nasionale Senior Sertifikaat sal in Oktober en November 2008 afgeneem word. Ter voorbereiding vir hierdie eksamen is die nasionale Departement van Onderwys (DvO) tans besig om 'n nuwe eksamenrekenaarprogram vir die prosessering van eksamenuitslae te toets. Hierdie program gebruik die kandidaat se identiteitsnommer soos in die identiteitsdokument as 'n verpligte veld. Dit is dus van die uiterste belang dat alle graad 10- en 11-leerders in besit moet wees van 'n geldige Suid-Afrikaanse strepieskode ID-boek, aangesien die 13-syfer ID-nommer vir registrasiedoeleindes gebruik sal word in graad 10 en 11, en ook as eksamennommer in graad 12. Leerders wat nog nie beskik oor 'n geldige ID-boekie nie, sal toegelaat word om die ID-nommers op hulle geboortesertifikate te gebruik. Leerders wat hulle geboortesertifikate verloor het, kan dit laat heruitreik deur die Departement van Binnelandse Sake teen 'n koste van R10.00 per kopie.
2. Die WKOD staan die nasionale DvO by met die toets van die rekenaarprogram deur gebruik te maak van die gegewens wat verskaf word deur SOBIS vir graad 11-leerders. Daar is egter gevind dat meer as 35 000 van die huidige graad 11-leerders se ID-nommers nie op die SOBIS vasgelę is nie. Prinsipale word dus vriendelik versoek om seker te maak dat nie later as 07 September 2007, die ID-nommers van hulle graad 10- en 11-leerders in die leerderregistrasielęer op SOBIS vasgelę word.
3. Alle graad 10- en 11-leerders wat nie in besit is van 'n Suid-Afrikaanse ID-boek nie moet aangesę word om onmiddellik daarvoor aansoek te doen by die naaste kantoor van Binnelandse Sake.
4. Leerders wat van die buiteland kom en nie Suid-Afrikaanse ID-boekies het nie sal hulle paspoort- of studiepermitnommers vir registrasiedoeleindes in graad 10 en 11 kan gebruik, asook as eksamennommers in graad 12.
5. Let asseblief daarop dat die konsessie om ID-nommers soos aangedui op geboortesertifikate te gebruik nie van toepassing is op privaat kandidate nie, aangesien hulle ID-boekies alreeds dien om hulle te identifiseer as wettige kandidate aan wie toegang tot 'n eksamenlokaal verleen sal word.
6. Prinsipale word ernstig versoek om leerders aan te moedig en by te staan met die verkryging van hulle ID-boekies, aangesien hulle sonder hierdie boekies nie in staat sal wees om vir eksamens te registreer nie, met ernstige gevolge vir almal wat betrokke is.


GETEKEN: A.P. CLAUSEN
HOOF: ONDERWYS
DATUM: 2007:08:15