| 1. |
Die voorlopige lys van inskrywings vir die 2007-eksamen van graad 11-leerders wat by u skool/sentrum geregistreer is, word hierby ingesluit vir kontrolering. Die besonderhede van elke leerder verskyn op hierdie drukstukke. U word vriendelik versoek om die gegewens van alle leerders te kontroleer en dan korreksies aan te bring
- in rooi op die ingeslote voorlopige skedules; EN
- op die SOBIS.
|
| 2. |
Bylae B ("Bevestiging van Regstellings") moet volledig ingevul en onderteken word en teen nie later nie as 15 Junie 2007 aan die Departement teruggestuur word.
|
| 3. |
Indien daar geen foute op die drukstuk voorkom nie, moet prinsipale of sentrumbestuurders steeds skriftelik bevestig dat die besonderhede op die skedule in alle opsigte korrek is deur die aangehegte Bylae B in te vul.
|
| 4. |
Prinsipale moet asseblief seker maak dat alle wysigings ten opsigte van leerders ook op die SOBIS reggestel word.
|
| 5. |
Prinsipale of sentrumbestuurders word versoek om die nodige reëlings te tref met Skynet Koerierdiens (telefoonno. 021 531 9191) om die gewysigde, voorlopige skedules af te haal ten einde die Departement nie later nie as 15 Junie 2007 by die volgende adres te bereik:
Die Hoof: Onderwys
Vir aandag: mnr. F. Jacobs (Kamer 515A, Vyfde Vloer)
Wes-Kaap Onderwysdepartement
Grand Central Towers
Laer-Parlementstraat
Kaapstad
|
| 6. |
OBOS-direkteure en kringbestuurders word ernstig versoek om toe te sien dat daar streng by die bogenoemde keerdatum gehou word.
|
| 7. |
U samewerking sal hoog op prys gestel word.
|
GETEKEN: A.P. CLAUSEN
HOOF: ONDERWYS
DATUM: 2007:05:28
|