| 2. |
Elke puntestaat bestaan uit 'n oorspronklike en drie afskrifte. Nadat die modereringsproses afgehandel is en die punte op die gerekenariseerde puntestate aangebring is, moet die onderste twee afskrifte verwyder word. Een van hierdie afskrifte is vir die sentrum se rekord en een vir die OBOS se rekord.
|
| 3. |
Gebruik asseblief die ingeslote kontrolelys om die sentrums te identifiseer en om te verseker dat alle puntestate aan die Departement voorgelę word.
|
| 4. |
Let daarop dat kurrikulumadviseurs verantwoordelik is vir
- die moderering van die formatiewe assessering in hulle leerareas, en
- die indien van die puntestate by die Direktoraat: Eksamens.
|
| 5. |
Die volgende prosedure moet gevolg word by die invul van puntestate:
|
| 5.1 |
Die leerder se individuele punt moet deur middel van drie syfers in die toepaslike kolom aangedui word, byvoorbeeld 013, en nie 13 nie.
|
| 5.2 |
'n Leerder se punte moet onder geen omstandighede weggelaat word nie. 'n Punt moet aan elke leerder toegeken word wie se assesseringsnommer op die puntestaat verskyn. Dit is ook van toepassing op leerders wat
- aansoek om sentrumverandering gedoen het,
- afwesig was vir 'n lang periode gedurende die jaar en
- afwesig was op die dag van moderering.
|
| 5.3 |
Indien daar geen punte vir 'n leerder is nie, moet 'n 999 (afwesig) op die puntestaat aangedui word. Hierdie leerders sal nie 'n uitslag in die leerarea ontvang nie. 'n Nulpunt (000) moet toegeken word slegs in die geval waar 'n leerder werk ingedien het, maar geen punte behaal het nie.
|
| 5.4 |
"TOTAL" (onderaan puntestaat) is slegs vir kantoorgebruik.
|
| 6. |
Kurrikulumadviseurs word versoek om toe te sien dat die ingevulde puntestate (oorspronklike en boonste afskrif) die Direktoraat: Eksamens, Vir aandag mnr. L. van Gensen / C. Slee, Wes-Kaap Onderwysdepartement, Kamer 529 (5de Vloer), Grand Central Towers, Laer Parlementstraat, Kaapstad, 8001 teen Vrydag, 1 Junie 2007 bereik.
|
GETEKEN: A.P. CLAUSEN
HOOF: ONDERWYS
DATUM: 2007:05:15
|