1. |
Ons kondig met genoeë aan dat 12 gemeenskapsradiostasies ingestem het om matriekhersieningsprogramme uit te saai vir leerders wat vir die 2007-Senior Sertifikaat-eksamens voorberei.
|
2. |
Die stasies sal die programme uitsaai in samewerking met die Wes-Kaap Onderwysdepartement (WKOD) en die Staatskommunikasie en -inligtingsdiens (SKID).
|
3. |
Sommige radiostasies sal die sessies lewendig uitsaai, terwyl ander dit sal opneem vir afsonderlike programme. Die lewendige uitsendings sal plaasvind tussen 6 en 7 nm van Woensdag tot Donderdag elke week, tot laat in Oktober. Die datums van die finale programme word nog gefinaliseer.
|
4. |
Radiostasies wat nie die programme lewendig gaan uitsaai nie, sal nog die tye van die uitsaaisessies aankondig.
|
5. |
Vakadviseurs en ander spesialiste sal hersiening tydens die uitsendings oor sleutelvakke vir matriek vir ongeveer 'n halfuur begelei voor hulle die vrae sal hanteer. Leerders en onderwysers kan vrae e-pos aan matric07@pgwc.gov.za, of hulle kan die tolvrynommer 0800 314 446 tydens uitsaaitye bel, van 18:00 tot 19:00 vanaf Maandag tot Donderdag elke week.
|
6. |
Op hierdie stadium beplan ons om die hersieningsprogramme oor 8 weke uit te saai en om die volgende vakke te behandel: Engels, Afrikaans, Xhosa, Biologie, Aardrykskunde, Wiskunde, Ekonomie, Bedryfsekonomie, Geskiedenis, Fisiese Wetenskappe en Rekeningkunde.
|
7. |
Die deelnemende radiostasies is Radio 786 (100.4), Voice of the Cape (95.8/100.4), Bush Radio (89.5), Radio CCFM (96.7/107.5), Radio Zibonele (98.2) en Radio Tygerberg (104)
|
8. |
Aangeheg is 'n skedule en 'n kennisgewing wat ons in gemeenskapsnuusblaaie publiseer. Ons sal dit hoog op prys stel indien u hierdie diens onder die aandag van graad 12-leerders en onderwysers sal bring. Ons wil aan ons matrieks en skole alle sukses toewens met hulle voorbereiding vir die Senior Sertifikaat-eksamens.
|
GETEKEN: A.M. ATTWELL
HOOF: ONDERWYS
DATUM: 2007:09:17
|