1. |
Die nasionale Departement van Onderwys (DvO) het op 6 Junie 2007 'n voorstel aan HODKOM goedgekeur om alle voltydse leerders wat die Senior Sertifikaat-eksamen in 2007 gedruip het, te ondersteun met hulle voorbereiding vir die Senior Sertifikaat-eksamen in Mei/Junie 2008.
|
2.1 |
Kandidate wat hierdie ondersteuning wil ontvang, moet op 26 Januarie 2008 registreer by die lokaal naaste aan hulle. (sien Bylae A)
|
2.2 |
Leerders sal vir 'n maksimum van 3 vakke kan registreer.
|
2.3 |
Kandidate sal al die nodige inligting aangaande die bepaalde lokale, prosedures vir registrasie en onderrig saam met hulle uitslae aan die einde van die jaar ontvang.
|
3.1 |
Onderrig sal aangebied word in 16 vakke by 30 lokale dwarsoor die provinsie.
|
3.2 |
Registrasie sal plaasvind by die bepaalde lokale op 26 Januarie 2008.
|
3.3 |
Vyftien kontaksessies van 1.5 uur elk sal op Saterdae aangebied word en sal op 2 Februarie 2008 begin.
|
3.4 |
Ervare tutors sal deur senior kurrikulumbeplanners in samewerking met kurrikulumadviseurs geïdentifiseer word, uit die aansoeke wat ontvang word.
|
3.5 |
Studiegidse sal voorsien word deur die kurrikulumpersoneel van die WKOD se Hoofkantoor.
|
3.6 |
Graad 12-handboeke vir die onderskeie vakke sal van die skole verkry word.
|
4.1 |
Onderwysers met ervaring in die onderrig van graad 12 en die nasien van Senior Sertifikaat-skrifte, word uitgenooi om aansoek te doen vir die tutorskappe deur die aangehegte aansoekvorm in te vul. (sien Bylae B)
|
4.2 |
Die aansoekvorm moet deur die onderwyser en die prinsipaal onderteken word.
|
4.3 |
Tutors sal teen 'n uurlikse bedrag besoldig word, soos per die PAM-dokument.
|
4.4 |
Die ingevulde aansoekvorm moet gepos word aan
Hoof: Onderwys
Wes-Kaap Onderwysdepartement
Vir aandag: Mnr CR Smith (Kamer 829)
Privaatsak X9114
KAAPSTAD
8000 |
4.5 |
Die sluitingsdatum vir aansoeke is 15 November 2007. |
5. |
Prinsipale word versoek om die inhoud van hierdie minuut onder die aandag van alle graad 12-onderwysers en -leerders te bring. |
GETEKEN: P SATYO
HOOF: ONDERWYS
DATUM: 2007:10:26
|