1. Kurrikulumontwikkelingsminuut 0072/2007 het aan skole inligting verskaf aangaande die GTA-proses vir 2007. Die GTA word deur die Graad 9-leerders gedoen in die vierde kwartaal van die akademiese jaar en is die enigste formele assesseringstaak wat vir daardie kwartaal opgeteken word.
2. Soos in Omsendbrief 0072/2007 genoem, sal GTA's vir Afdeling B by skole afgelewer word gebaseer op die aantal leerders wat op SOBIS geregistreer is.
3. Indien 'n skool die verkeerde getalle of leerareas op die SOBIS ingevul het, sal dit die skool se verantwoordelikheid wees om seker te maak dat elke leerder die regte boek(e) ontvang waarin die GTA's gedoen moet word. In so 'n situasie sal die WKOD geen ekstra kopieë aflewer nie. Elektroniese kopieë van die gepaste boeke kan egter deur die WKOD verskaf word sodat die skool self ekstra kopieë kan maak.
4. Enige navrae oor die verpakking en aflewering van die GTA's vir Afdeling B moet gerig word aan Mr C Berry by e-posadres cberry@pgwc.gov.za of faksnommer 021 461 5628
5. In gevalle waar skole die verkeerde getal boeke ontvang as gevolg van 'n verpakkings- of afleweringsfout deur die WKOD, word hulle versoek om die bygaande vorm in te vul waarop tekorte aangedui en ekstra boeke aangevra kan word. Versoeke moet gefaks of ge-e-pos word na die faksnommer of e-posadres wat op die vorm aangedui is.
6. Volgens die Staatskoerant 29626, is Afdeling B van die GTA 'n taak wat ekstern opgestel word en onder streng eksamentoestande geskryf moet word, soos vir die Senior Sertifikaat-eksamen. Prinsipale word daaraan herinner dat hulle die alleenverantwoordelikheid het om seker te maak dat die integriteit van hierdie proses nie in gevaar gestel word nie. Geen leerderboeke of memorandums mag aan onderwysers of leerders bekendgemaak word voor die datums en tye soos bepaal vir die skryf van die GTA's nie, d.w.s. die datums soos aangedui in die nasionale rooster vir Afdeling B.
7. Die Departement is ten volle bewus dat skole 'n baie besige skedule vir die vierde kwartaal het, en dus word die moeite wat u doen om die behoorlike administrasie van die GTA's te verseker, hoog op prys gestel.


GETEKEN: T SINGH
HOOF: ONDERWYS
DATUM: 2007:11:02

National Policy on Assessment and Qualifications for schools in the General Education and Training Band (GET)
(Staatskoerant 29626)  (groote: 947 KB)

Die bygaande vorm, waarna verwys word in die Minuut, is aan skole gestuur.