1. Hierdie kurrikulumminuut, wat saamgelees moet word met Kurrikulumminuut 0062/2007 en Kurrikulumminuut 0085/2007, is vir die kennisname van dié onderwysers wat gekies is vir die Lewensoriëntering-opleidingsessies in 2007.
2. Die lokaal vir die opleidingsessies, by die Kaapse Onderwysinstituut in Nooiensfonteinweg, Kuilsrivier, kan slegs 70 onderwysers per opleidingsessie akkommodeer.
3. Gaan asseblief die aangehegte Bylae A, B en C noukeurig na.
3.1 Slegs dié onderwysers wie se name op die lyste verskyn, mag die opleidingsessie bywoon.
3.2 Aangesien hierdie kursus groot finansiële implikasies vir die Wes-Kaap Onderwysdepartement het, is dit belangrik dat die onderwysers wat verkies is die opleidingsessies bywoon soos aangedui in Bylae A, B en C.
3.3 Enige verkose onderwyser wat nie die sessies op die bepaalde datums kan bywoon nie, moet me D Christiaans dienooreenkomstig inlig voor 31 Oktober 2007, by telefoonnommer 021 467 2589 of e-posadres dchristi@pgwc.gov.za
4. Prinsipale word versoek om die inhoud van hierdie minuut onder die aandag van alle betrokke Lewensoriëntering-onderwysers te bring.
5. Indien u meer inligting benodig, skakel asseblief met me D Christiaans, Senior Kurrikulumbeplanner vir Lewensoriëntering (VOO) per die skakelbesonderhede wat in paragraaf 3.3 hierbo gegee word.


GETEKEN: P. SATYO
HOOF: ONDERWYS
DATUM: 2007:10:15

Bylae A  (grootte: 11 KB)
Bylae B  (grootte: 13 KB)
Bylae C  (grootte: 13 KB)