| 1.1 |
Die verbetering van die geletterdheids- en syferkundigheidsvlakke van grondslagleerders is 'n prioriteit en 'n integrale deel van die WKOD se Geletterdheids- en Syferkundigheidstrategie. Die grondlynassessering van leerders is gebrandmerk as van deurslaggewende belang vir hierdie strategie.
|
| 1.2 |
In 2006 is 'n WKOD-grondlynassesseringsprogram en 'n instrument, Vroeë Identifikasie van 'n Behoefte aan Ondersteuning, as bronmateriaal aan graad 1-onderwysers verskaf. In 2006 en 2007 is hierdie bronne deur graad 1-onderwysers gebruik.
|
| 1.3 |
Terugvoer van onderwysers oor die WKOD-grondlynassesseringsprogram is versamel van onderwysers, beamptes en onafhanklike navorsing, en 'n aantal aanbevelings is aanvaar. Die WKOD se Grondlynassesseringsprogram is dus hersien om die aanbevelings te akkommodeer.
|
| 2. |
Provinsiale werkswinkel
|
| 2.1 |
Die hersiene WKOD Graad 1 Grondlynassesseringsprogram sal vir skole aangebied word by klusterwerkswinkels gedurende die 4de kwartaal. Hierdie werkswinkels sal in die middae plaasvind en 2½ uur lank duur.
|
| 2.2 |
Die OBOS sal inligting aangaande datums en plekke vir klusters/kringe aan skole verskaf. Elke skool word sterk aangeraai om 'n verteenwoordiging wat uit die volgende bestaan na die werkswinkels te stuur:
- Graad 1: tot 4 onderwysers per skool
- Die grondslagfase-departementshoof
- Die leerondersteuningsonderwyser
- Die prinsipaal
|
| 2.3 |
Die werkswinkel sal opvoeders die geleentheid bied om hulle kennis en begrip van grondlynassessering te verdiep. Deelnemers sal die geleentheid kry om
- hulle begrip van grondlynassessering te verhelder;
- deur middel van die hersiene materiaal te werk en die inhoud te leer ken;
- duidelikheid te verkry oor die verskillende opsies vir die implementering van die WKOD se Grondlynassesseringsprogram vir 2008; en
- die bronmateriaal effektief te benut.
|
| 2.4 |
Skole wat hierdie werkswinkels bywoon, sal afskrifte van die hersiene materiaal by die werkswinkels ontvang. Diegene wat dit nie bywoon nie, moet reël om hulle materiaal by die OBOS te gaan haal.
|
| 2.5 |
Na die werkswinkel word dit van deelnemers verwag om
- 'n algemene begrip van grondlynassessering te toon.
- te verstaan hoe om bevindings van die grondlynassessering aan te wend.
- die versterkte en gestroomlynde graad 1 Grondlynassesseringsprogram te verstaan en te gebruik.
- alternatiewe opsies vir graad 1 Grondlynassessering te verstaan en te gebruik.
|
| 3. |
Slotsom
Hier is 'n geleentheid vir skoolkurrikulumbestuurders om hulle onderwysers in staat te stel om met kollegas en beamptes saam te werk in 'n algemene, provinsiale werkswinkel aangaande hierdie belangrike deel van assessering. Prinsipale word dus hartlik uitgenooi om dit saam met hulle personeellede by te woon.
Na die afhandeling van hierdie werkswinkels sien die WKOD daarna uit om grondlynassessering in 2008 suksesvol te implementeer.
|
GETEKEN: M.J. CAMERON
HOOF: ONDERWYS
DATUM: 2007:09:28
|