1. Die Wes-Kaap Onderwysdepartement wil graag verseker dat leerders blootgestel word aan soveel moontlik beskikbare geleenthede in die werkwęreld, relevante werksgeleenthede en beroepsmoontlikhede terwyl hulle regmaak om 'n beroep te kies.
2. Die Suid-Afrikaanse Nasionale Weermag (SANW) is op soek na aansoekers vir 'n tweejaarkursus vir Operasionele Noodsorgpraktisyns (Paramedici).

3. Die basiese vereistes is die volgende:
3.1 Ouderdom tussen 18-22 jaar
3.2 Matriek (met Biologie). 'n Goeie Senior Sertifikaat-uitslag sonder Biologie sal ook oorweeg word.
3.3 Moet nie areagebonde wees nie, m.a.w. moet bereid wees om te werk waar dit vereis word.

4. Kandidate met Wiskunde en Wetenskap kan oorweeg word vir ander (verdere) gevorderde gesondheidskursusse by universiteite na voltooiing van bovermelde kursus of na drie maande van basiese militęre opleiding.
5. Aansoekers moet voor of op 21 September 2007 beide die aangehegde aansoekvorms invul en direk faks na 012 671 5056 vir die aandag van Lt Lindique.
6. Suksesvolle aansoekers sal direk geskakel word deur die SANW.
7. Onderhoude sal op 25 en 26 September 2007 by die Youngsfield Militęre Basis te Wetton, Kaapstad gevoer word.
8. Daarbenewens word leerders op 27 September 2007 vanaf 10:00 - 11:00 na die Kasteel in Kaapstad genooi waar amptenare van die SANW hulle sal toespreek oor beroepe in die Weermag. By hierdie geleentheid sal sommige leerders vir onderhoude op 28 September 2007 gekies word.
9. Skole word aangemoedig om te verseker dat huidige graad 12-leerders so gou moontlik van hierdie beroepsgeleentheid in kennis gestel word
10. Prinsipale word versoek om die inhoud van hierdie kurrikulumminuut onder die aandag van al die onderwysers te bring.
11. Skakel asseblief mev DJ Christiaans, Senior Kurrikulumbeplanner vir Lewensoriëntering by dchristi@pgwc.gov.za of 021 467 2589 indien u meer inligting verlang.


GETEKEN: M. CAMERON
HOOF: ONDERWYS
DATUM: 2007:09:14

Aansoekvorm  (grootte: 145 KB)