1. Inleiding

Behoorlike bestuur van die eksamen by 'n onderwysinrigting is 'n belangrike deel van die hele eksamenproses. Skoolhoofde tree ingevolge Omsendbriewe 0137/2002 en 0193/2003 op as die hoofeksamenbeamptes en is gevolglik aanspreeklik vir die eksamenproses by hulle skole.

Alhoewel daar nie voorsien word dat die Senior Sertifikaat- of BOOV vlak 4-eksamen in 2007 ontwrig sal word nie, is dit noodsaaklik dat daar 'n volledige risikobestuurplan by elke inrigting ontwikkel word om moontlike ontwrigting van die afneem van die eksamen te hanteer.

2. Gebeurlikheidsplan vir 'n noodtoestand
2.1 Aangesien daar verskillende soorte noodgevalle is, het die WKOD die volgende prosedure ontwikkel wat ten doel het om alle situasies te dek waar dit nodig is om die gevolge van 'n noodontruiming tot 'n minimum te beperk. Dit is belangrik dat alle inrigtings wat kandidate vir hierdie eksamens voorberei dieselfde basiese prosedure sal volg.
2.1.1 Indien 'n noodtoestand sou ontstaan voordat kandidate begin skryf, mag hulle nie die eksamenlokaal/-lokale betree voordat hulle aangesę word om dit te doen nie. Hulle moet egter van ander groepe afgesonder word en onder toesig bly.
2.1.2 Indien 'n noodtoestand sou ontstaan terwyl kandidate nog skryf en dit gevolglik noodsaaklik sou wees om die lokaal te ontruim, moet kandidate opdrag ontvang
  • om al hulle boeke toe te maak en op hulle banke te laat.
  • om een vir een die lokaal te ontruim onder die voortdurende toesig van die opsiener(s) en die hoofopsiener, en die oorhoofse toesig van die prinsipaal. Bykomende onderwysers (uitgesonderd dié wie se vak geskryf word), kan versoek word om te help om toesig te hou.
  • om nie met mekaar te praat of te kommunikeer nie.
  • om nie enige boeke of papiere by hulle te hę nie.
  • om nie in besit van 'n selfoon te wees nie.
  • om op 'n geskikte plek op die terrein op 'n afstand van mekaar sit sodat geen kommunikasie kan plaasvind nie.
  • om in stilte terug te keer na die eksamenlokaal wanneer hulle verlof kry om dit te doen en voort te gaan met skryf waar hulle opgehou het.
2.1.3 Kandidate moet na hulle terugkeer 'n aanduiding ontvang van die tyd wat hulle het om die vraestel te voltooi, d.w.s. die totale tyd vir die vraestel minus die tyd wat reeds gebruik is voordat die ontruiming plaasgevind het.
2.2 Die prinsipaal, die hoofopsiener en die ander opsieners moet te alle tye beheer uitoefen oor die kandidate en elke opsiener moet verantwoordelikheid aanvaar vir sy of haar groep kandidate.
2.3 In die geval van 'n ontruiming moet die kringbestuurder of OBOS-direkteur onmiddellik in kennis gestel word. Die kringbestuurder of 'n ander afgevaardigde amptenaar van die multifunksionele span by die OBOS sal probeer om die skool onmiddellik te besoek ten einde die prosedures wat deur die skool gevolg word, te kan verifieer. Die afgevaardigde amptenaar moet, vanaf die tyd dat hy of sy by die skool aankom die situasie monitor.
2.4 Versuim om die ontruiming presies op die voorgeskrewe wyse uit te voer, sal die geldigheid van die eksamen in gedrang bring en die gevolg mag wees dat alternatiewe opsies gevolg moet word, soos om 'n ander gemodereerde vraestel aan die einde van die eksamentydperk te skryf of om die aanvullende eksamen vir die vak in Mei/Junie 2008 te skryf (slegs Senior Sertifikaat).
2.5 Prinsipale moet kandidate inlig oor die skool se gebeurlikheidsplan indien enige ontruiming nodig sou wees en ook van die ernstige gevolge indien so 'n ontruiming nie behoorlik uitgevoer word nie.
2.6 In die onwaarskynlike geval dat 'n nasionale of 'n provinsiale vraestel oorgeskryf moet word, sal die WKOD alle prinsipale onmiddellik daarvan in kennis stel. So 'n vraestel sal dan heel waarskynlik binne een of twee dae na die laaste eksamen op die rooster, dit wil sę na 22 November 2007, geskryf word.
3. Risikobestuur
3.1 Skoolhoofde moet die volgende kontrolelys gebruik om hulle te help om moontlike risiko's te identifiseer ten opsigte van die afneem van die eksamen en om hulle risikobestuurplan daarvolgens op te stel.
3.2 Enige ontwrigting in die eksamenproses of foutiewe oopmaak van eksamenvraestelle moet onmiddellik by een van die volgende WKOD-beamptes aangemeld word:
Onreëlmatigheidsbeamptes:
Mnr T Magwaca 021 467 2626
Mnr J Parbhoo 021 467 2572
4. Die WKOD wens u alles van die beste toe vir die eksamen.


GETEKEN: M. CAMERON
HOOF: ONDERWYS
DATUM: 2007:09:11

Kontrolelys  (grootte: 7 KB)