| 1. |
Die Wes-Kaap Onderwysdepartement (WKOD) wil in samewerking met die Wes-Kaap Taalkomitee en die Sentrum vir die Boek kreatiewe skryfwerk deur leerders aanmoedig. Gevolglik word graad 9-Taalonderwysers uitgenooi om deel te neem aan werkwinkels vir kreatiewe skryfwerk wat in Afrikaans, Engels en Xhosa aangebied word. Dit bevestig die kommunikasie wat in Julie 2007 deur die Sentrum vir die Boek aan skole gefaks is.
|
| 2. |
Die doel van hierdie werkwinkels vir kreatiewe skryfwerk is om onderwysers te voorsien van 'n verskeidenheid kreatiewe vaardighede wat hulle sal help om hulle leerders se kreatiewe skryfwerk en denke te verbeter.
|
| 3. |
Daar sal drie aparte werkwinkels wees en elke werkwinkel sal vir al drie taalgroepe voorsiening maak. Die eerste sal op 13 Oktober 2007 in Worcester se OBOS-saal gehou word. Die ander twee werkwinkels sal gehou word op Saterdag, 20 Oktober 2007 en Saterdag, 27 Oktober 2007 by die Sentrum vir die Boek te Queen Victoriastraat 65, Kaapstad. Al drie werkwinkels sal om 09:30 begin en om 16:00 ten einde loop. Verversings en 'n ligte ete sal bedien word.
|
| 4. |
Inhoud van die werkwinkel
|
| 4.1 |
Die program vir elk van die drie dae sal begin met 'n hoofsessie om 09:30, voor die aanvang van die individuele taalwerkwinkels, wat om 10:00 sal begin en om 16:00 ten einde sal loop.
|
| 4.2 |
Onderwysers sal bekend gestel word aan karakter, vryskryf en eerste dinge-oefeninge, en sal oor hulself skryf.
|
| 4.3 |
'n Verskeidenheid van genres, soos prosa, draaiboeke en digkuns sal gedek word.
|
| 5. |
Taalonderwysers wat belang stel om die werkwinkels op een van bogenoemde datums by te woon, moet die aangehegte Bylae A invul en teen Vrydag, 21 September 2007 faks aan mnr M. Espin by faksnommer 021 424 1484 of e-posadres mark.espin@nlsa.ac.za.
|
| 6.1 |
Onderwysers van dieselfde skool of area word vriendelik versoek om vervoer na die lokaal te deel, omdat die WKOD nie kan betaal vir die gebruik van 'n aantal voertuie deur onderwysers van dieselfde skool nie.
|
| 6.2 |
Onderwysers wat vir die gebruik van hulle eie voertuie wil eis, moet die volgende na die werkwinkel bring:
- PERSAL-nommer
- Registrasiebesonderhede van die voertuig wat hy of sy vir vervoer gebruik het
- Kilometerlesing van die voertuig
Onderwysers wat van openbare vervoer gebruik maak (bus- en taxidienste) moet amptelike kwitansies aan hulle eise heg. Indien onderwysers saam met leerders per minibus reis, moet hulle eise vergesel wees van óf die uitgereikte kwitansies óf 'n brief van die prinsipaal waarin onkoste aangegaan uiteengesit word. Onderwysers moet geverifieerde eise indien aan die einde van die werkwinkel.
|
| 7. |
Die WKOD hoop van harte dat die werkwinkels 'n verrykende en genoeglike ervaring sal wees vir diegene wat dit bywoon.
|
GETEKEN: M. CAMERON
HOOF: ONDERWYS
DATUM: 2007:09:05
|