1. Die WKOD se senior kurrikulumbeplanners vir AOO Tale en VOO Lewensoriëntering wil loopbane in Afrikatale onder graad 9-leerders in die OBOS-distrik: Suid-Kaap & Karoo bevorder.
2. Leerders in die metropool-OBOS'e het gereeld die geleentheid om opedae by tersiêre onderwysinrigtings by te woon, wat nie die geval is vir leerders in landelike OBOS-distrikte nie. Derhalwe die besluit om bogenoemde uitstalling op 6 Oktober 2007 vir graad 9-leerders in die OBOS-distrik: Suid-Kaap & Karoo te hou.
3. Graad 9-leerders wat belang stel in loopbane in Afrikatale moet deur die Taal- en Lewensoriëntering-onderwysers by elke skool gekies word. Sulke leerders moet goed presteer en belangstel in Afrika-tale, maar bykomende seleksiekriteria moet ook gebruik word. Skole waar leerders hoofsaaklik Xhosa-sprekend is, kan tot vier leerders na die uitstalling stuur, terwyl ander skole een of twee leerders mag stuur.
4. Dosente van vier inrigtings vir hoër onderwys in die provinsie sal op 6 Oktober 2007 twee drieuursessies in die OBOS in se raadsaal in George aanbied. Leerders uit die Sentraal-Karoo sal die eerste sessie bywoon, wat van 09:00 tot 12:00 sal plaasvind. Leerders van George en nabygeleë gebiede sal die tweede sessie van 13:00 tot 16:00 bywoon.
5. 'n Verskeidenheid professionele persone met loopbane in Afrika-tale sal ook teenwoordig wees by hierdie sessie om hulle bevoegdheid en ervaring met leerders by die uitstalling te deel.
6. WKOD-onderwysers vir Afrikatale en Lewensoriëntering sal vergoed word vir reisuitgawes. Dit is dus noodsaaklik dat elke onderwyser wat met sy of haar eie motor reis, die volgende na die uitstalling sal bring:
  • PERSAL-nommer
  • Registrasiebesonderhede van die voertuig wat hy of sy vir vervoer gebruik het
  • Kilometerlesing van die voertuig

Onderwysers wat van openbare vervoer gebruik maak (bus- en taxidienste) moet amptelike kwitansies aan hulle eise heg. Indien onderwysers saam met leerders per minibus reis, moet hulle eise vergesel wees van óf die uitgereikte kwitansies óf 'n brief van die prinsipaal waarin onkoste aangegaan uiteengesit word. Onderwysers moet geverifieerde eise op 6 Oktober 2007 by die uitstalling indien by me L Ngondo.

7. Prinsipale word versoek om die inhoud van hierdie minuut onder die aandag van alle betrokkenes te bring.
8. U ondersteuning om loopbaangeleenthede in die veld van Afrikatale te bevorder, sal hoog op prys gestel word.


GETEKEN: M. CAMERON
HOOF: ONDERWYS
DATUM: 2007:09:03