| 1. |
Departement van Onderwys (Direktoraat: Ras en Waardes) het 'n ooreenkoms aangegaan met The Mass Media Project, die produsente van die Heartlines-reeks. Hierdie reeks is van 6 Julie 2006 tot 10 September 2006 op nasionale TV uitgesaai.
|
| 2. |
Die oogmerk van hierdie ooreenkoms is om 'n verkorte weergawe van die reeks te versprei onder alle sekondêre skole in die land, saam met 'n onderwysersgids, vir gebruik in Lewensoriëntering in die Verdere Onderwys en Opleidingsband (VOO).
|
| 3. |
Die reeks fokus op die onderrig van waardes en het betrekking op die vereistes vir Leeruitkoms 1 (Persoonlike Welstand) in die vak Lewensoriëntering in die VOO-band.
|
| 4. |
Elke hoërskool in die Wes-Kaapprovinsie sal drie DVD's en drie afskrifte van die onderwysersgids ontvang. Dit sal dien as addisionele hulpbron vir gebruik van die Lewensoriëntering-onderwysers in graad 10 en 11.
|
| 5. |
Die DVD's en onderwysersgidse sal op 1 September 2007 aan skole gepos word.
|
| 6. |
Prinsipale word vriendelik versoek om die inhoud van hierdie minuut onder die aandag van die Lewensoriëntering-onderwysers in die VOO-band te bring en om seker te maak dat Lewensoriëntering-onderwysers toegang het tot die DVD's en die onderwysersgidse.
|
GETEKEN: M. CAMERON
HOOF: ONDERWYS
DATUM: 2007:08:28
|