1. Omsendbrief 0004/2007 en 0028/2007 en Kurrikulumontwikkelingminuut 0058/2007 het betrekking. LUR Cameron Dugmore het op 21 Augustus 2007 'n mediaveldtog geloods om ouers bedag te maak op die sperdatum van 10 September 2007 vir die indien van skooltaalbeleid en implementeringsplanne.
2. Skole moet asseblief die beleid en planne teen daardie datum by hulle kringbestuurders indien, soos per die riglyne wat vantevore voorsien is.
2.1 Aangesien dit belangrik is dat die raadplegende proses gevolg moet word, word skole versoek om die handtekeninge van die prinsipaal sowel as die voorsitter van die skoolbeheerliggaam op die beleid en die plan aan te bring.
2.2 Skole word versoek om kortliks aan te dui of die nuwe beleid van die vorige een verskil en, indien wel, om aan te dui wat die verskille is.
2.3 Dit is duidelik dat skole nie noodwendig al die veranderinge wat in die taalbeleid voorsien word, onmiddellik sal kan implementeer nie. Die implementeringsplan is gevolglik 'n belangrike instrument omdat dit die veranderlikes kan aandui wat die uitrol van die plan sal beïnvloed.
3. Ons kondig graag aan dat skole binnekort voorsien sal word van 'n gebruikersvriendelike leerprogram vir Xhosa Tweede Addisionele Taal, wat gegrond is op die Nasionale Kurrikulumverklaring. Dis is deur 'n groep hardwerkende onderwysers ontwikkel en sal 'n waardevolle instrument vir skole wees.
4. Prinsipale word versoek om die inhoud van hierdie minuut onder die aandag van alle betrokkenes te bring.


GETEKEN: M. CAMERON
HOOF: ONDERWYS
DATUM: 2007:08:28