1. Die infasering van spesifieke leerbane (SLB's) binne die Kuns en Kultuur-leerarea in die Senior Fase is 'n inisiatief van die WKOD om die oorgang van Kuns en Kultuur in Graad 9 (AOO) na die onderskeie Kunsvakke in Graad 10 (VOO) te versterk. Die SLB's bied aan leerders die opsie om in Graad 8 en 9 een spesifieke kunsvorm as fokus te kies vir diepgaande studie, met die oorblywende drie kunsvorme geïntegreerd om blootstelling en waardering te verseker. Die SLB's word aanbeveel vir skole wat die kunsvakke in VOO aanbied, en veral ook vir die Kuns en Kultuur-fokusskole.
2. Die WKOD het in Januarie 2007 'n weeklange werkswinkel aangebied waartydens onderwysers van Kuns en Kultuur bekend gestel is aan die spesifieke vaardighede van die onderskeie kunsvorme. Onderwysers het versoek dat daar as 'n opvolg meer tyd gewy word aan hulle eie spesialis-kunsvorm, en op die integrering van die ander drie kunsvorme daarmee, en op die vaardighede wat nodig is om die ander drie kunsvorme te onderrig.
3. 'n Reeks indiensopleidingswerkswinkels vir onderwysers van Kuns en Kultuur by die fokus- skole, sowel as onderwysers van ander skole wat die spesifiekeleerbaan-program aanbied in graad 8 en 9, is vir die derde en vierde kwartaal van 2007 beplan. Die Kuns- departement (Mowbray-kampus) van die Kaapse Skiereiland Universiteit vir Tegnologie (KSUT) se skool vir Onderwys, in samewerking met die WKOD se Direktoraat: Kurrikulumontwikkeling, sal hierdie proses fasiliteer.
4. Werkswinkels sal gehou word op 'n plattelandse vergaderplek vir onderwysers van die Suid-Kaap en Karoo-streek en by 'n stedelike plek vir onderwysers van die ander drie streke. Op Vrydagmiddae en Saterdae sal vier stedelike sessies van vier uur elk gehou word vir elk van die vier kunsgroepe (dans, drama, musiek en visuele kuns). Die werkswinkels vir die platteland sal plaasvind oor twee naweke, vanaf Vrydagmiddag tot Sondag vir alle kunsonderwysers van die Suid-Kaap en die Karoo. (Sien Bylae A vir alle vergaderplekke en datums.)
5. Onderwysers moet die volgende items na die werkswinkels saambring:
  • Gemaklike klere/sweetpak wat geskik is vir praktiese werk in Dans, Drama, Musiek en Visuele Kuns.
  • WKOD AOO Spesiale Leerbaanprogram vir Kuns & Kultuur - Graad 8 & 9. (Hierdie dokument kan afgelaai word van die volgende webadres: (of hier)
  • http://curriculum.pgwc.gov.za/resource_files/23133843_ARTS_AND_CULTURE_SENIOR_
    GRADE_-_LEARNING_PATHWAYS_.doc
  • http://curriculum.pgwc.gov.za/resource_files/23134409_Senior_Phase-_Grade_at_
    a_Glance.doc
6. WKOD-onderwysers van Kuns en Kultuur sal vergoed word vir hul reiskostes. Dit is derhalwe belangrik om die volgende inligting met u saam te bring:
  • Persalnommer.
  • Registrasiebesonderhede van die voertuig wat gebruik is vir die vervoer, asook die km lesing.
  • Onderwysers wat van openbare vervoer (bus of trein) gebruik maak, moet 'n amptelike kwitansie aan hulle eis heg. Onderwysers wat van minibusvervoer gebruik maak, moet of 'n kwitansie, of 'n brief van hul skoolhoof vasheg aan hulle eis waarin die vervoerkostes aangegaan duidelik gestipuleer is. Elke onderwyser moet 'n aparte gewaarmerkte eis indien.
7. Onderwysers wat die plattelandse werkswinkel bywoon, sal vir hul reis- en verblyfkostes kostes vergoed word.
8. Onderwysers moet hul onderskeie eise by die KPUT-bestuurder by die werkswinkels indien.
9. Onderwysers wat onderneem om die werkswinkels by te woon, moet vooraf by KPUT registreer. Die aangehegte registrasievorm (Bylae B) moet aan Sandy Johnson gestuur word by die volgende kontakbesonderhede: johnsons@cput.ac.za (epos); of 021 680 1540 (faks) voor of op 4 September 2007.

N.B. Om logistieke redes kan onderwysers wat teen hierdie datum nog nie geregistreer is nie, nie die werkswinkels kan bywoon nie.

10. Skoolhoofde word vriendelik versoek om die inhoud van hierdie minuut onder die aandag van die spesialis-kunsonderwysers te bring.


GETEKEN: M. CAMERON
HOOF: ONDERWYS
DATUM: 2007:08:29

Bylae A  (grootte: 9 KB)
Bylae B  (grootte: 34 KB)

WCED GET Arts & Culture Special Learning Pathways Programme (Grades 8 & 9)
(grootte: 202 KB) (a "zipped" MS Word document)
Arts & Culture Learning Outcomes & Assessment Standards, Grade 7-9: A Grade at a Glance
(groote: 15 KB) (a "zipped" MS Word document)